ക്ലാസിക് സ്യൂട്ടിൽ ജാൻവി; അനാർക്കലിക്ക് അപാര ലുക്കെന്ന് ഫാഷൻ ലോകം

( www.truevisionnews.com ) ബോളിവുഡിലെ ഇതിഹാസ താരം രേഖ മുതൽ പുതുതലമുറയിലെ താരമായ ജാൻവി കപൂർ വരെ അനാർക്കലി വസ്ത്രത്തിൽ ഒരു പോലെ തിളങ്ങന്നു. അസുലഭമായ ആ കാഴ്ച കണ്ട ഫാഷൻ പ്രേമികൾ ജനറേഷൻ ഗ്യാപ് ഇല്ലാത്ത വസ്ത്രമെന്ന് അനാർക്കലിയെ വിശേഷിപ്പിച്ചു. അതിന് നിമിത്തമായതോ മുംബൈയിൽ നടന്ന ഉംറാവു ജാൻ റി റിലീസ് ചടങ്ങും. ചടങ്ങിൽ ബി ടൗണിലെ മുതിർന്ന താരം രേഖയെത്തിയത് രാജകീയ ലുക്കിലാണെങ്കിൽ ജാൻവി കപൂർ മനം കവർന്നത് ക്ലാസിക് സ്യൂട്ട് ധരിച്ചാണ്. ബോളിവുഡിലെ ഇതിഹാസ ചിത്രമായ ഉംറാവു ജാന്റെ പ്രത്യേക പ്രദർശനത്തിന് ക്ഷണം ലഭിച്ച നിരവധി ബോളിവുഡ് താരങ്ങൾ ചടങ്ങിൽ സന്നിഹിതരായിരുന്നു.

ചടങ്ങിന്റെ ചിത്രങ്ങളും വിഡിയോകളും പുറത്തു വന്നപ്പോൾ ഫാഷൻ ലോകത്തിന്റെ കണ്ണുടക്കിയത് ബോളിവുഡ് സുന്ദരികൾ ധരിച്ച സുന്ദരമായ അനാർക്കലി വസ്ത്രങ്ങളിലാണ്. താൻകൂടി ഭാഗമായ ചിത്രത്തിന്റെ റി റിലീസ് ചടങ്ങിൽ പങ്കെടുക്കാൻ മുഗൾ റാണിയെപ്പോലെ അണിഞ്ഞൊരിങ്ങിയാണ് രേഖയെത്തിയത്. സ്വർണ-ഐവറി നിറങ്ങളിൽ സമ്പന്നമായ അനാർക്കലിയുടെ ആഡംബരം കൂട്ടിയത് മിറർ വർക്കുകളും ഗോൾഡൻ നിറത്തിലെ പാന്റുമാണ്.

Also read: രാവിലെ തന്നെ ഇറങ്ങേണ്ട....! ബസ്സില്ല; സംസ്ഥാനത്ത് ഇന്ന് സ്വകാര്യ ബസുകളുടെ സൂചന പണിമുടക്ക്

View this post on Instagram

A post shared by Janhvi Kapoor (@janhvikapoor)

ഗോട്ട പാട്ടി എംബ്രോയ്ഡറി ചെയ്ത ഫുൾസ്ലീവ് ഷിയർ വൈറ്റ് കുർത്തയും പാട്ടി ബോർഡറുകൾ കൊണ്ട് അലങ്കരിച്ച സ്വർണ ഷിയർ ഓർഗൻസ ലെഹങ്കയും ആഢംബരത്തിന്റെ മാറ്റുകൂട്ടി. എപ്പോഴത്തേയും പോലെ കഴുത്തും കാതും കൈയും നിറഞ്ഞു കിടക്കുന്ന ആഭരണങ്ങളാണ് താരം ഇക്കുറിയും അണിഞ്ഞത്. ചോക്കർ നെക്ലേസ്, മാങ് ടിക്ക, ജിമിക്കികൾ, വളകൾ എന്നീ അഭരണങ്ങളാണ് തന്റെ ലുക്ക് കംപ്ലീറ്റ് ആക്കാൻ താരം തിരഞ്ഞെടുത്തത്. സ്റ്റേറ്റ്മെന്റ് ആക്സസറിയായി ഒരു പോട്ട്ലി ബാഗാണ് അണിഞ്ഞത്. ഗജ്രയും പൂക്കളും കൊണ്ട് ചെയ്ത കേശാലങ്കാരങ്ങൾ രേഖയുടെ മുഗൾ റാണി ലുക്ക് കംപ്ലീറ്റാക്കി.

ഐവറി-ബീജ് നിറങ്ങളുടെ കോംബിനേഷനിലുള്ള അനാർക്കലി സ്യൂട്ട് ധരിച്ചെത്തിയ ജാൻവി കപൂറും ഏവരുടെയും മനം കവർന്നു. വേഷത്തിൽ ആഢംബരം തുളുമ്പിയപ്പോൾ മേക്കപ്പിൽ മിതത്വം മതിയെന്ന് ജാൻവി തീരുമാനിച്ചു. മാറിലേക്ക് അൽപം ഇറങ്ങിയ സ്വീറ്റ്ഹാർട്ട് നെക് ലൈനായിരുന്നു ആ വസ്ത്രത്തിന്റെ ഹൈലൈറ്റ്. ചിക്കൻകാരി എംബ്രോഡറിയും മിറർവർക്കുകളും പാർട്ടിബോർഡറുകളും അനാർക്കലിക്ക് കൂടുതൽ പകിട്ടേകി.

Also read: മാനൂ... മാനക്കേട് ആയില്ലേ...! വാട്‌സ് ആപ്പ് ഗ്രൂപ്പിൽ വനിത സിവിൽ പൊലീസ് ഓഫീസർക്കെതിരെ ലൈംഗീക അധിക്ഷേപം; വയോധികൻ പിടിയിൽ

ഒരു തോളിൽ പ്ലീറ്റ് ചെയ്ത് മറുതോളിൽ നിന്ന് കൈകളിലേക്ക് അലസമായി ഒഴുകിയിറങ്ങുന്ന രീതിയിലാണ് ദുപ്പട്ട സ്റ്റൈൽ ചെയ്തത്. നിറയെ അലങ്കാരങ്ങളുള്ള ജ്യൂട്ട് സാൻഡലുകളും ആഢംബര ജിമുക്കികളും ധരിച്ചാണ് ജാൻവി സുന്ദരിയായത്. രേഖയേയും ജാൻവിയെയും കൂടാതെ ചടങ്ങിൽ പങ്കെടുക്കാനെത്തിയ നുഷ്രത്ത് ബറൂച്ചയും ഫാത്തിമ സന ​​ഷെയ്ഖും അനാർക്കലിയിൽ ഏറെ സുന്ദരികളായിരുന്നു.

Also read: അപകടക്കെണി അറിയാതെ.... പാലത്തിന് മുകളിലിരുന്ന് ഫോട്ടോ എടുക്കുന്നതിനിടെ നദിയിലേക്ക് വീണ് യുവാവിനെ കാണാതായി; തെരച്ചിൽ തുടരുന്നു

Janhvikapoor classic suit fashion world Anarkali looks amazing