( www.truevisionnews.com ) ലോകോത്തര വാച്ച് നിർമാതാക്കളായ ലോഞ്ചീൻസിന്റെ 2 ആഡംബര കലക്ഷനുകൾ കേരളത്തിലെ ഫാഷൻപ്രേമികൾക്ക് മുന്നിൽ അവതരിപ്പിച്ചു. വാച്ച് ടൈം ഇന്ത്യയുടെ സഹകരണത്തോടെ കൊച്ചി ഫോറം മാളിലെ സിംസൺ ഷോറൂമിലാണ് കലാതീതമായ കരവിരുതും പ്രൗഢിയും നിറഞ്ഞ കലക്ഷനുകൾ അവതരിപ്പിച്ചത്. വാച്ചുകളുടെ ആരാധകർക്കായി അരങ്ങേറിയ വർണാഭമായ ചടങ്ങിലാണ് സ്പിരിറ്റ് സുലു ടൈം, അൾട്രാ–ക്രോൺ കാർബൺ എന്നീ സമയത്തിന്റെ ആഡംബര മോഡലുകൾ എത്തിയത്. സമയത്തെ സുന്ദര രൂപത്തിലാക്കിയ ഈ കലക്ഷനുകൾ കാലാതീതമായ കരവിരുതും ഡിസൈൻ മികവും ചേർന്നതാണ് എന്നതാണ് പ്രത്യേകത.
.gif)
സ്പിരിറ്റ് സുലു ടൈം
18 കാരറ്റ് പിങ്ക് സ്വർണത്തിന്റെ ക്യാപ്പോട് കൂടിയതാണ് സ്പിരിറ്റ് സുലു ടൈം. ജിഎംടി സമയക്രമത്തിലുള്ള മണിക്കൂറിൽ 25000 വൈബ്രേഷനോടെ കൃത്യതയുറപ്പാക്കുന്ന വാച്ച് ആണ് സ്പിരിറ്റ് സുലു ടൈം. സ്ട്രാപ്പ് സ്റ്റെയിൻലെസ് സ്റ്റീലും ബക്കിൾ സെറാമിക്കും ആണ്. 8 മണിക്കൂർ കയ്യിൽ ധരിച്ചാൽ 72 മണിക്കൂർ പവർ ശേഖരിക്കും 4.12 ലക്ഷം രൂപയാണ് സുലു ടൈമിന്റെ വില. 1925ൽ പുറത്തിറക്കിയ മോഡലിന്റെ സെഞ്ച്വറി പതിപ്പാണ് ഇപ്പോൾ അവതരിപ്പിച്ചിട്ടുള്ള സ്പിരിറ്റ് സുലു ടൈം ഫൈവ് സ്റ്റാർ മോഡൽ.
അൾട്രാ–ക്രോൺ കാർബൺ മോഡൽ
കാർബണും ടൈറ്റാനിയവും ചേർന്നുള്ള മനോഹരമായ കേസ് ആണ് ഇതിന്റെ പ്രത്യേകത. മണിക്കൂറിൽ 36000 വൈബ്രേഷൻ ഉള്ള ഈ വാച്ച് 8 മണിക്കൂർ ധരിച്ചാൽ 52 മണിക്കൂർ പവർബാക്കപ്പിനുള്ള കരുത്ത് നേടും. ആയിരം അടി വരെയുള്ള വെള്ളത്തിൽ പോലും വാട്ടർ റെസിസ്റ്റന്റ് ആണ്. 4.9 8 ലക്ഷം രൂപയാണ് വില. ലോഞ്ചീൻസിന്റെ ആരാധകർക്ക് ഒത്തുചേരാനുള്ള വേദി കൂടിയായി ഇത്. വരും ദിവസങ്ങളിലും ലോഞ്ചീന്‍സിന്റെ മോഡലുകൾ കാണാൻ ഇവിടെ അവസരമൊരുക്കിയിട്ടുണ്ട്.
സിംസൺ വാച്ചസ് ക്രിയേറ്റീവ് ഡയറക്ടർ വസിം നവാസ് ഖാൻ ഡയറക്ടർ നെയിം നവാസ് ഖാൻ, വാച്ച് ടൈം ഇന്ത്യ എഡിറ്റർ ഇൻ ചാർജ് പ്രീതിക മാത്യു എന്നിവർ ചടങ്ങിൽ പങ്കെടുത്തു.
World-class watchmaker Longines introduces 2 luxury creations
