( www.truevisionnews.com ) ഓടിക്കൊണ്ടിരുന്ന ട്രെയിനിലേക്ക് ചാടിക്കയറാൻ ശ്രമിക്കുന്നതിനിടയിൽ കാൽവഴുതി വീണ യാത്രക്കാരനെ റെയിൽവേ പോലീസ് ഉദ്യോഗസ്ഥൻ രക്ഷപ്പെടുത്തി. കന്യാകുമാരി - ദിബ്രുഗഡ് എക്സ്പ്രസിൽ കയറാൻ ശ്രമിക്കുന്നതിനിടെയാണ് കാൽ വഴുതി 44 -കാരൻ ട്രെയിനിനും പ്ലാറ്റ്ഫോമിനും ഇടയിലേക്ക് വീണത്.
റെയിൽവേ സ്റ്റേഷൻ പ്ലാറ്റ്ഫോമിലേക്ക് വീണ ഇയാളെ, ട്രാക്കിലേക്ക് വീണ് പോകുന്നതിന് മുൻപായി ഒരു റെയിൽവേ പോലീസ് ഉദ്യോഗസ്ഥൻ രക്ഷപ്പെടുത്തുകയായിരുന്നു. കട്ടക്ക് റെയിൽവേ സ്റ്റേഷനിലാണ് സംഭവം. പശ്ചിമ ബംഗാളിലെ മിർസാപൂർ സ്വദേശിയാണ് അപകടത്തിൽപ്പെട്ട യാത്രക്കാരൻ.
.gif)
ഞെട്ടിപ്പിക്കുന്ന സംഭവത്തിന്‍റെ സിസിടിവി ദൃശ്യങ്ങൾ പിടിഐ പുറത്ത് വിട്ടിട്ടു. പ്ലാറ്റ്ഫോമിൽ നിർത്തിയിട്ടിരുന്ന ട്രെയിൻ നീങ്ങാൻ തുടങ്ങിയപ്പോഴാണ് യാത്രക്കാരൻ ട്രെയിനിലേക്ക് ചാടിക്കയറാൻ ശ്രമിച്ചത്.
പക്ഷേ, കാൽ വഴുതി പിടി വിട്ടുപോയ ഇയാൾ പ്ലാറ്റ്ഫോമിലേക്ക് വീഴുകയായിരുന്നു. ട്രെയിനിനും ട്രാക്കിനും ഇടയിൽപ്പെട്ട് ഒരുപക്ഷേ ജീവൻ പോലും നഷ്ടമായേക്കാവുന്ന വലിയ അപകടത്തിൽ നിന്നാണ് അയൾ രക്ഷപ്പെട്ട് ജീവിതത്തിലേക്ക് തിരിച്ചെത്തിയത്.
https://x.com/PTI_News/status/1930528691676905624
railway police officer save man life after fall under running train
