(truevisionnews.com) പച്ചക്കറികൾ കഴിക്കുന്നത് ആരോഗ്യത്തിന് വളരെ നല്ലതാണ്. എന്നാൽ ഇവ കഴിക്കുന്നതിലൂടെ ലഭിക്കുന്ന ഗുണങ്ങൾ എല്ലാം തന്നെ നമുക്ക് അറിയണം എന്നില്ല . പച്ചക്കറികളിൽ ഒരുപാട് ആരോഗ്യഗുണങ്ങളുള്ള ഒന്നാണ് കാരറ്റ് . വേവിച്ചിട്ടോ പച്ചയ്‌ക്കോ കാരറ്റ് കഴിക്കാവുന്നതാണ് . കാരറ്റിന്റെ ചില ഗുണങ്ങൾ അറിയാം .
അവശ്യ പോഷകങ്ങളാൽ സമ്പന്നം:
.gif)
ജീവകങ്ങൾ എ, സി, കെ, പൊട്ടാസ്യം, ഫൈബർ തുടങ്ങിയ അവശ്യ പോഷകങ്ങളുടെ മികച്ച ഉറവിടമാണ് കാരറ്റ്. മൊത്തത്തിലുള്ള ആരോഗ്യം നിലനിർത്തുന്നതിൽ ഈ പോഷകങ്ങൾ പ്രധാന പങ്ക് വഹിക്കുന്നുണ്ട്.
കണ്ണിന്റെ ആരോഗ്യം:
കാഴ്ചശക്തിക്ക് ഏറ്റവും പ്രധാനപ്പെട്ട പോഷകമാണ് വിറ്റമിൻ എ. കാരറ്റാണെങ്കിൽ വിറ്റാമിൻ എയാൽ സമ്പന്നമായി പച്ചക്കറിയാണ്. ഇതിന് പുറമെ ല്യൂട്ടിൻ,ബീറ്റാ കരോട്ടിൻ എന്നിവയും കാരറ്റിൽ ധാരാളമായി അടങ്ങിയിട്ടുണ്ട്. ഇതും കണ്ണിന്റെ ആരോഗ്യത്തിന് ഏറെ ഗുണകരമാണ്.
ആന്റിഓക്സിഡന്റ്:
ബീറ്റാ കരോട്ടിൻ, ആൽഫ കരോട്ടിൻ, ല്യൂട്ടിൻ തുടങ്ങിയ ആന്റിഓക്സിഡന്റുകളാൽ കാരറ്റിൽ ധാരാളം അടങ്ങിയിട്ടുണ്ട്. ഈ ആന്റിഓക്സിഡന്റുകൾ ഫ്രീ റാഡിക്കലുകൾ മൂലമുണ്ടാകുന്ന കേടുപാടുകളിൽ നിന്ന് ശരീരത്തെ സംരക്ഷിക്കാൻ സഹായിക്കുന്നു. ഇത് ഹൃദ്രോഗം, ചില കാൻസറുകൾ തുടങ്ങിയ രോഗങ്ങൾ വരാനുള്ള സാധ്യത കുറക്കുമെന്നാണ് പഠനങ്ങളൾ തെളിയിക്കുന്നത്.
ദഹനത്തിന് സഹായിക്കും:
നാരുകളുടെ മികച്ച ഉറവിടമാണ് കാരറ്റ്. ഇത് ദഹനവ്യവസ്ഥ മെച്ചപ്പെടുത്താൻ സഹായിക്കും. മലബന്ധം തടയുകയും ചെയ്യും.
രക്തത്തിലെ പഞ്ചസാരയുടെ അളവ് കുറക്കും:
കാരറ്റിൽ അടങ്ങിയിരിക്കുന്ന ഫൈബർ രക്തത്തില പഞ്ചസാര ആഗിരണം ചെയ്യുന്നത് മന്ദഗതിയിലാക്കും. കാരറ്റിൽ കുറഞ്ഞ രീതിയിൽ മധുരം ഉണ്ടെങ്കിലും ഗ്ലൈസെമിക് അടങ്ങിയതിനാൽ പഞ്ചസാരയുടെ അളവ് അതിവേഗം ഉയരാൻ കാരണമാകില്ല.
ചർമ്മത്തിന്റെ ആരോഗ്യം:
കാരറ്റിൽ അടങ്ങിയിരിക്കുന്ന ആന്റിഓക്സിഡന്റുകൾ, പ്രത്യേകിച്ച് ബീറ്റാ കരോട്ടിൻ, ആരോഗ്യമുള്ള ചർമ്മം നിലനിർത്താൻ സഹായിക്കുന്നു. ഈ ആന്റിഓക്സിഡന്റുകൾക്ക് സൂര്യാഘാതം കുറയ്ക്കാനും അകാല വാർധക്യം തടയാനും കഴിയും.
benefits of carrots
