കര്‍ണാടകയില്‍ വന്‍ ബാങ്ക് കവർച്ച; 59 കിലോ സ്വർണ്ണവും പണവും കവർന്നു, ബാങ്കിനുള്ളിൽ ദുർമന്ത്രവാദത്തിന് ഉപയോഗിക്കുന്ന വിചിത്ര രൂപങ്ങൾ

കര്‍ണാടകയില്‍ വന്‍ ബാങ്ക് കവർച്ച; 59 കിലോ സ്വർണ്ണവും പണവും കവർന്നു, ബാങ്കിനുള്ളിൽ ദുർമന്ത്രവാദത്തിന് ഉപയോഗിക്കുന്ന വിചിത്ര രൂപങ്ങൾ
Jun 3, 2025 01:39 PM | By VIPIN P V

ബെംഗളൂരു: ( www.truevisionnews.com ) കര്‍ണാടകയില്‍ വന്‍ ബാങ്ക് കൊള്ള. കനറാ ബാങ്കിന്റെ വിജയപുര മനഗുള്ളി ശാഖയിലാണ് കോടികളുടെ കവര്‍ച്ച നടന്നത്. ബാങ്കിലെ സ്‌ട്രോങ് റൂമില്‍ സൂക്ഷിച്ചിരുന്ന 59 കിലോ സ്വര്‍ണവും 5.20 ലക്ഷം രൂപയും കവര്‍ന്നതായാണ് പരാതി. നഷ്ടപ്പെട്ട സ്വര്‍ണത്തിന് ഏകദേശം 53 കോടിയോളം രൂപ വിലവരും.

മേയ് 23-ന് വൈകീട്ട് ഏഴുമണിക്കും മേയ് 25 രാവിലെ 11.30-നും ഇടയിലാണ് കവര്‍ച്ച നടന്നതെന്നാണ് നിഗമനം. മേയ് 23 ആയിരുന്നു ബാങ്കിന്റെ അവസാന പ്രവൃത്തിദിവസം. 24, 25 തീയതികളില്‍ ബാങ്ക് അവധിയായിരുന്നു. മേയ് 25-ന് രാവിലെ 11.30-ഓടെ ബാങ്കിലെ ഒരു ജീവനക്കാരനാണ് പ്രധാന ഷട്ടറിന്റെ പൂട്ടും ഗ്രില്ലുകളും തകര്‍ത്തനിലയില്‍ കണ്ടത്.

ഇദ്ദേഹം ഉടനെ ബ്രാഞ്ച് ഇന്‍ ചാര്‍ജിനെ വിവരമറിയിച്ചു. തുടര്‍ന്ന് ബാങ്കിന്റെ റീജിയണല്‍ മേധാവിക്കും വിവരം കൈമാറി. ഉച്ചയ്ക്ക് ഒരുമണിയോടെ റീജിയണല്‍ ഓഫീസിലെ ഉദ്യോഗസ്ഥരടക്കം ബാങ്കിലെത്തി നടത്തിയ പരിശോധനയിലാണ് കവര്‍ച്ച സ്ഥിരീകരിച്ചത്. തുടര്‍ന്ന് സ്‌ട്രോങ് റൂമിലെ വിവിധ അലമാരകള്‍ പരിശോധിച്ചാണ് നഷ്ടപ്പെട്ട സ്വര്‍ണത്തിന്റെ അളവ് തിട്ടപ്പെടുത്തിയത്.

ബാക്കിയുള്ള സ്വര്‍ണവും നഷ്ടപ്പെട്ട സ്വര്‍ണവും ഉള്‍പ്പെടെ കണക്കുകൂട്ടി തിട്ടപ്പെടുത്താന്‍ സമയമെടുത്തതായും ഇതേത്തുടര്‍ന്നാണ് പോലീസില്‍ പരാതി നല്‍കാന്‍ വൈകിയതെന്നുമാണ് വിവരം. കവര്‍ച്ച നടത്തിയവര്‍ ബാങ്കിലെ സിസിടിവി ക്യാമറകള്‍ അഴിച്ചെടുക്കുകയും ഹാര്‍ഡ് ഡിസ്‌ക് ഉള്‍പ്പെടെ മോഷ്ടിക്കുകയും ചെയ്തിട്ടുണ്ട്.

അതിനിടെ, ദുര്‍മന്ത്രവാദത്തിന് ഉപയോഗിക്കുന്ന ചില വിചിത്രരൂപങ്ങളും സംഭവസ്ഥലത്തുനിന്ന് കണ്ടെത്തിയിട്ടുണ്ട്. എന്നാല്‍, ഇത് അന്വേഷണം വഴിതെറ്റിക്കാനുള്ള ശ്രമത്തിന്റെ ഭാഗമായെന്നാണ് പോലീസിന്റെ നിഗമനം. എട്ട് സംഘങ്ങളായി തിരിഞ്ഞ് അന്വേഷണം ആരംഭിച്ചതായി ജില്ലാ പോലീസ് സൂപ്രണ്ട് ലക്ഷ്മണ്‍ നിംബാര്‍ഗി മാധ്യമങ്ങളോട് പറഞ്ഞു.

karnataka vijayapura canara bank robbery

Next TV

Related Stories
ഇതുവരെ ചെയ്തില്ലേ..., ന്നാ മറക്കണ്ട ! സൗജന്യ ആധാർ അപ്‌ഡേറ്റുകൾ ജൂൺ പതിനാല് വരെ മാത്രം

Jun 5, 2025 12:02 PM

ഇതുവരെ ചെയ്തില്ലേ..., ന്നാ മറക്കണ്ട ! സൗജന്യ ആധാർ അപ്‌ഡേറ്റുകൾ ജൂൺ പതിനാല് വരെ മാത്രം

ആധാർ വിവരങ്ങൾ സൗജന്യമായി അപ്‌ഡേറ്റ് ചെയ്യുന്നതിനുള്ള...

Read More >>
ദുരന്ത സൂചനയോ? മത്സ്യത്തൊഴിലാളികളുടെ വലയില്‍ കുടങ്ങി ഓര്‍ഫിഷ്

Jun 5, 2025 11:47 AM

ദുരന്ത സൂചനയോ? മത്സ്യത്തൊഴിലാളികളുടെ വലയില്‍ കുടങ്ങി ഓര്‍ഫിഷ്

തമിഴ്‌നാട് തീരത്ത് മത്സ്യ തൊഴിലാളികളുടെ വലയില്‍ കുടുങ്ങിയ ഓര്‍...

Read More >>
പൊലീസിന് വീഴ്ചയില്ലെന്ന് ഡിജിപിയുടെ റിപ്പോർട്ട്; ആർസിബി ആഘോഷപരിപാടി നടത്തിയത് നിർദേശം തള്ളി

Jun 5, 2025 09:49 AM

പൊലീസിന് വീഴ്ചയില്ലെന്ന് ഡിജിപിയുടെ റിപ്പോർട്ട്; ആർസിബി ആഘോഷപരിപാടി നടത്തിയത് നിർദേശം തള്ളി

റോയൽ ചലഞ്ചേഴ്സ് ബെംഗളൂരുവിന്റെ ഐപിഎൽ കിരീടനേട്ട ആഘോഷത്തിനിടെ തിക്കിലും തിരക്കിലുംപെട്ട് 11 പേർ മരിച്ച സംഭവത്തിൽ പൊലീസിന് വീഴ്ചയില്ലെന്ന്...

Read More >>
കൊവിഡ് വ്യാപനം; രാജ്യത്ത് 4,302  രോഗികൾ, കേരളത്തിൽ 1,373 പേർ ചികിത്സയിൽ

Jun 5, 2025 09:13 AM

കൊവിഡ് വ്യാപനം; രാജ്യത്ത് 4,302 രോഗികൾ, കേരളത്തിൽ 1,373 പേർ ചികിത്സയിൽ

രാജ്യത്ത് കൊവിഡ് വ്യാപനം രൂക്ഷമായ സാഹചര്യത്തിൽ ആരോഗ്യ മന്ത്രാലയം മുന്നറിയിപ്പുമായി...

Read More >>
അറസ്റ്റിനിടെ പൊലീസ് കഴുത്തിൽ മുട്ട് അമർത്തി, തല റോഡിൽ ഇടിച്ചു; യുവാവ് തീവ്രപരിചരണവിഭാഗത്തിൽ

Jun 5, 2025 08:27 AM

അറസ്റ്റിനിടെ പൊലീസ് കഴുത്തിൽ മുട്ട് അമർത്തി, തല റോഡിൽ ഇടിച്ചു; യുവാവ് തീവ്രപരിചരണവിഭാഗത്തിൽ

പൊലീസ് ഉദ്യോഗസ്ഥൻ കഴുത്തിൽ മുട്ടമർത്തിയ ഇന്ത്യക്കാരൻ അത്യാസന്ന...

Read More >>
Top Stories










Entertainment News