ന്യൂയോർക്ക് : (truevisionnews.com) യുഎസിൽ വെള്ളച്ചാട്ടത്തിൽ വീണ് ഇന്ത്യൻ വിദ്യാർത്ഥിക്ക് ദാരുണാന്ത്യം.
തെലങ്കാന സ്വദേശിയായ സായി സൂര്യ അവിനാഷ് ആണ് മരിച്ചത്. അവധിക്കാലം ആഘോഷിക്കാനെത്തിയ സായി അൽബാനിക്ക് സമീപമുള്ള ബാർബെ വില്ല വെള്ളച്ചാട്ടത്തിൽ വീഴുകയായിരുന്നു.
ട്രൈൻ സർവകലാശാലയിലെ വിദ്യാർത്ഥിയായ സായി സൂര്യ ജൂലൈ ഏഴിനാണ് അപകടത്തിൽപ്പെട്ടതെന്ന് സ്ഥിരീകരിച്ച ന്യൂയോർക്കിലെ ഇന്ത്യൻ എംബസി, മൃതദേഹം ഇന്ത്യയിലേക്ക് കൊണ്ടുപോകുന്നതിനുള്ള നടപടികൾ സ്വീകരിച്ചതായും അറിയിച്ചു.
സായിക്കൊപ്പം മറ്റൊരു വിദ്യാർത്ഥി കൂടി അപകടത്തിൽപ്പെട്ടിരുന്നു. എന്നാൽ അപ്പോൾ അവിടെയെത്തിയ ഒരാൾ ആ വിദ്യാർത്ഥിയെ രക്ഷപ്പെടുത്തി.
അപ്പോഴേക്കും സായ് വെള്ളത്തിൽ മുങ്ങിത്താഴ്ന്നിരുന്നു. തുടർന്ന് മുങ്ങൽ വിദഗ്ദർ എത്തിയാണ് മൃതദേഹം പുറത്തെടുത്തത്.
#Indian #student #ends #tragically #after #falling #waterfall #US.
