പിച്ചി ചീന്തിയത് സ്വന്തം ചോരയെ....! അഞ്ചു വയസ് മുതല്‍ എട്ടു വയസ്സു വരെ മകളെ പീഡിപ്പിച്ചു; അച്ഛന് മൂന്ന് ജീവപര്യന്തം

ഇടുക്കി: ( www.truevisionnews.com ) ഇടുക്കിയിൽ സ്വന്തം മകളെ പീഡിപ്പിച്ച് അച്ഛന് മൂന്ന് ജീവപര്യന്തം ശിക്ഷയും മൂന്ന് ലക്ഷം രൂപ പിഴയും ശിക്ഷ. അഞ്ച് വയസ് മുതൽ എട്ട് വയസ് വരെയാണ് പ്രതി മകളെ പീഡിപ്പിച്ചത്. എട്ടാം വയസിൽ നിരന്തരമായി വയറ് വേദനയെ ഉണ്ടായതിനെ തുടർന്നാണ് കുട്ടി വിവരം അമ്മയോട് പറഞ്ഞത്.

പിതാവ് ഇങ്ങനെ ചെയ്യുന്നത് വയറ് വേദനക്ക് കാരണമാകുമോയെന്ന് സംശയം ചോദിക്കുകയായിരുന്നു. തുടർന്ന് കുട്ടിക്ക് കൗൺസിലിംഗ് നൽകി വിവരങ്ങൾ ശേഖരിച്ച് 2020 ൽ കരിമണ്ണൂർ പൊലീസ് കേസ് രജിസ്റ്റർ ചെയ്ത കേസിലാണ് ഇടുക്കി അതിവേഗ പോക്സോ കോടതി ശിക്ഷ വിധിച്ചത്. പിഴ ഒടുക്കിയില്ലെങ്കിൽ ആറ് വർഷം കൂടെ ശിക്ഷ അനുഭവിക്കണമെന്നും കോടതി വിധിച്ചു.

Also read: പ്ലാസ്റ്റിക് മാലിന്യം ഹരിത കർമ്മ സേനയ്ക്ക് കൈമാറിയില്ല; ഗൃഹനാഥന് ആറായിരം രൂപ പിഴ വിധിച്ച് കോടതി

കുട്ടിക്ക് മതിയായ നഷ്ട പരിഹാരം നൽകാൻ ജില്ലാ ലീഗൽ സർവീസ് അതോറിട്ടിക്കും നിർദ്ദേശം നൽകി. പ്രോസിക്യൂഷന് വേണ്ടി സ്‌പെഷ്യൽ പബ്ലിക് പ്രോസിക്യൂട്ടർ ഷിജോമോൻ ജോസഫ് കണ്ടത്തിങ്കരയിൽ ഹാജരായി.

പോക്സോ നിയമത്തിലെ പ്രധാന കുറ്റകൃത്യങ്ങളും ശിക്ഷകളും

പോക്സോ നിയമം കുട്ടികൾക്കെതിരായ ലൈംഗിക കുറ്റകൃത്യങ്ങളെ പ്രധാനമായും മൂന്ന് വിഭാഗങ്ങളായി തരംതിരിക്കുന്നു:

ലൈംഗികാതിക്രമം (Sexual Assault):

Also read: ജാഗ്രതൈ; ഗുരുവായൂർ ക്ഷേത്രത്തിൽ ഓൺലൈൻ തട്ടിപ്പ്, ദര്‍ശനത്തിനെത്തുന്നവര്‍ ശ്രദ്ധിക്കുക

തുളച്ചുകയറുന്ന ലൈംഗികാതിക്രമം (Penetrative Sexual Assault): ഇതിന് കുറഞ്ഞത് 7 വർഷം തടവ് മുതൽ ജീവപര്യന്തം വരെ തടവും പിഴയും ലഭിക്കാം. 12 വയസ്സിൽ താഴെയുള്ള കുട്ടികൾക്ക് നേരെയുള്ള അതിക്രമങ്ങൾക്ക് കുറഞ്ഞത് 20 വർഷം തടവ് മുതൽ വധശിക്ഷ വരെ ലഭിക്കാൻ സാധ്യതയുണ്ട്.

ഗുരുതരമായ ലൈംഗികാതിക്രമം (Aggravated Penetrative Sexual Assault): ഇത് കൂടുതൽ കഠിനമായ സാഹചര്യങ്ങളിൽ (ഉദാഹരണത്തിന്, പോലീസുകാർ, അധ്യാപകർ, ഡോക്ടർമാർ തുടങ്ങിയ ഉത്തരവാദിത്തപ്പെട്ട സ്ഥാനങ്ങളിലുള്ളവർ നടത്തുന്ന അതിക്രമങ്ങൾ, കൂട്ടായി ചെയ്യുന്ന കുറ്റകൃത്യങ്ങൾ) നടക്കുമ്പോൾ കുറഞ്ഞത് 10 വർഷം തടവ് മുതൽ ജീവപര്യന്തം വരെയും പിഴയും ലഭിക്കാം.

ലൈംഗിക പീഡനം (Sexual Harassment):

Also read: കോഴിക്കോട് വടകരയിൽ ട്രെയിനിടിച്ച് യുവാവിന് ദാരുണാന്ത്യം

ലൈംഗിക ഉദ്ദേശ്യത്തോടെയുള്ള സ്പർശനം, ലൈംഗിക ആവശ്യങ്ങൾ ഉന്നയിക്കുക, ലൈംഗിക സ്വഭാവമുള്ള ചിത്രങ്ങൾ കാണിക്കുക തുടങ്ങിയവ ഈ വിഭാഗത്തിൽ വരുന്നു.

ഇതിന് 3 വർഷത്തിൽ കുറയാത്തതും 5 വർഷം വരെ ആകാവുന്നതുമായ തടവും പിഴയും ശിക്ഷയായി ലഭിക്കാം. ഗുരുതരമായ ലൈംഗിക പീഡനമാണെങ്കിൽ 5 വർഷത്തിൽ കുറയാത്തതും 7 വർഷം വരെ ആകാവുന്നതുമായ തടവും പിഴയുമാണ് ലഭിക്കുന്നത്.

അശ്ലീല ആവശ്യങ്ങൾക്കായി കുട്ടികളെ ഉപയോഗിക്കൽ (Pornography):

Also read: കൊല്ലം തേവലക്കര വിദ്യാർഥി ഷോക്കേറ്റ് മരിച്ച സംഭവം; സ്കൂൾ പ്രധാനാധ്യാപികയെ സസ്‌പെൻഡ് ചെയ്തു

കുട്ടികളെ ഉപയോഗിച്ച് അശ്ലീല ചിത്രങ്ങളോ വീഡിയോകളോ നിർമ്മിക്കുക, പ്രചരിപ്പിക്കുക, കൈവശം വെക്കുക, അല്ലെങ്കിൽ അത്തരം കാര്യങ്ങൾ ചെയ്യാൻ പ്രേരിപ്പിക്കുക എന്നിവയെല്ലാം ഈ നിയമപ്രകാരം കുറ്റകരമാണ്.

ഇതിന് 3 വർഷത്തിൽ കുറയാത്തതും 5 വർഷം വരെ ആകാവുന്നതുമായ തടവും പിഴയും ലഭിക്കാം.

father gets three life imprisonment for raping daughter in idukki