#cisceexam| സി.ഐ.എസ്.സി.ഇ. ബോർഡ് പരീക്ഷയിൽ തിളങ്ങുന്ന നേട്ടവുമായി കേരളം

 ന്യൂഡൽഹി: (truevisionnews.com) മുൻവർഷത്തെപ്പോലെ ഇത്തവണയും സി.ഐ.എസ്.സി.ഇ. ബോർഡ് പരീക്ഷയിൽ തിളക്കമുള്ള പ്രകടനവുമായി കേരളം. 10-ാം ക്ലാസിൽ 99.99 ശതമാനംപേരും 12-ാം ക്ലാസിൽ 99.93 ശതമാനം പേരും വിജയിച്ചു.

Also read: #JPNadda | ബിജെപിക്ക് ഇപ്പോള്‍ ആര്‍എസ്എസ് സഹായം ആവശ്യമില്ല; ഒറ്റക്ക് പ്രവര്‍ത്തിക്കാനുള്ള ശേഷി പാര്‍ട്ടിക്കുണ്ട് - ജെ പി നദ്ദ

160 സ്കൂളുകളിലെ 7186 (3512 ആൺകുട്ടികൾ, 3674 പെൺകുട്ടികൾ) വിദ്യാർഥികൾ പത്താംക്ലാസ് പരീക്ഷയെഴുതിയതിൽ 7185 പേരും വിജയിച്ചു. 72 സ്കൂളുകളിലെ 2822 (1371 ആൺകുട്ടികൾ, 1451 പെൺകുട്ടികൾ) പേരാണ് 12-ാം ക്ലാസ് പരീക്ഷയെഴുതിയത്.ഇതിൽ 2820 പേരും വിജയിച്ചു.

ഇരുക്ലാസുകളിലും പെൺകുട്ടികൾ നൂറുശതമാനം വിജയം നേടിയപ്പോൾ ആൺകുട്ടികൾ 10, 12 ക്ലാസുകളിൽ യഥാക്രമം 99.97 ശതമാനവും 99.85 ശതമാനവും വിജയിച്ചു. രാജ്യവ്യാപകമായി പത്താംക്ലാസ് പരീക്ഷയിൽ 1,30,506 ആൺകുട്ടികളും 1,13,111 പെൺകുട്ടികളും പങ്കെടുത്തു. 1,29,612 ആൺകുട്ടികളും 1,12,716 പെൺകുട്ടികളും വിജയിച്ചു.

Also read: #escaped | ലുക്ക്‌ ഔട്ട് നോട്ടീസ് ഇറക്കി പിടികൂടിയ പ്രതി കസ്റ്റഡിയിൽ നിന്ന് രക്ഷപ്പെട്ടു

പന്ത്രണ്ടാംക്ലാസ് പരീക്ഷയിൽ 47,136 പെൺകുട്ടികളും 52,765 ആൺകുട്ടികളും പരീക്ഷയെഴുതിയതിൽ 46,626 പെൺകുട്ടികളും 51,462 ആൺകുട്ടികളും വിജയിച്ചു. ഉയർന്ന വിജയശതമാനം നേടിയത് രാജ്യത്തിന്റെ പശ്ചിമമേഖലയും ദക്ഷിണമേഖലയുമാണ് .

ഏറ്റവുമധികം പെൺകുട്ടികൾ 10-ാം ക്ലാസിൽ ദക്ഷിണമേഖലയിൽനിന്നും (49.52) പന്ത്രണ്ടാംക്ലാസിൽ പശ്ചിമ മേഖലയിൽ (50.55 ശതമാനം) നിന്നുമാണ് പരീക്ഷയെഴുതിയത്.

Also read: #arrest | അവിഹിത ബന്ധം ആരോപിച്ച് ഭാര്യയുടെ സ്വകാര്യ ഭാഗത്ത് ആണി തറച്ച് ലോഹപൂട്ടിട്ട് 30 കാരൻ; അറസ്റ്റ്

ഇന്ത്യക്കു പുറത്ത്, ഇൻഡൊനീഷ്യ, സിങ്കപ്പൂർ, ദുബായ് (യു.എ.ഇ.) എന്നിവിടങ്ങളിലെ സ്കൂളുകൾ പത്താംക്ലാസിൽ 100 ശതമാനം വിജയം നേടിയപ്പോൾ, സിങ്കപ്പൂരിലെയും ദുബായിലെയും (യു.എ.ഇ.) സ്‌കൂളുകൾ 12-ാം ക്ലാസിൽ 100 ശതമാനം വിജയം നേടി.

മറ്റു വിശദാംശങ്ങൾക്ക് https://www.cisce.org സന്ദര്‍ശിക്കാം.

#cisce #board #exams #result #out