കോട്ടയം: (truevisionnews.com) ഏറ്റുമാനൂർ മംഗരക്കലുങ്കിന് സമീപം ഓട്ടോയും ബൈക്കും കൂട്ടിയിടിച്ചുണ്ടായ അപകടത്തിൽ ചികിത്സയിലായിരുന്ന ഓട്ടോ ഡ്രൈവർ മരിച്ചു.
ഏറ്റുമാനൂർ മഴുവനാക്കുന്ന് മൂലേപ്പറമ്പിൽ രത്തൻദാസനാണ് (55) മരിച്ചത്. ഞായറാഴ്ച പുലർച്ചെയായിമംഗരക്കലുങ്ക് ജംങ്ഷനിൽനിന്ന് ഏറ്റുമാനൂരിലേക്ക് വന്ന ഓട്ടോയും എതിർ ദിശയിലെത്തിയ ബൈക്കും തമ്മിലിടിച്ചായിരുന്നു അപകടം.
ശനിയാഴ്ച രാത്രി 7.30-നായിരുന്നു സംഭവം. ഓട്ടോയുടെ ഉള്ളിലേക്ക് ഇടിച്ചുകയറിയ നിലയിലായിരുന്നു ബൈക്ക്. ഓട്ടോയുടെ മുൻഭാഗവും ഒരു വശവും പൂർണമായും തകർന്നു.
അപകടത്തിന് പിന്നാലെ ഇരുവരേയും കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പിന്നീട്, രത്തൻദാസനെ തെള്ളകത്തെ സ്വകാര്യ ആശുപത്രിയിലേക്ക് മാറ്റിയിരുന്നു.
ഇവിടെ, ചികിത്സയിലിരിക്കെയായിരുന്നു മരണം. അപകടത്തിൽ ഗുരുതരമായി പരിക്കേറ്റ ബൈക്ക് യാത്രികൻ നിലവിൽ പാലാ നെച്ചിപ്പുഴൂർ ചെക്കാമുക്കൽ വീട്ടിൽ അമൽ നാരായണൻ (36) കോട്ടയം മെഡിക്കൽ കോളജ് തീവ്രപരിചരണ വിഭാഗത്തിൽ ചികിത്സയിലാണ്.
രത്തൻദാസന്റെ ഭാര്യ: മേരിക്കുട്ടി, മക്കൾ: ആഷ്ലി, അനീഷ.
#accident #involving #auto #bike #auto #driver #died #undergoing #treatment