---
title: "14 വർഷത്തെ കാത്തിരിപ്പിന് വിരാമമാകുമോ? അരിയിൽ ഷുക്കൂർ വധക്കേസിൽ ഇന്ന് നിർണായക വിധി, പി. ജയരാജനും ടി.വി. രാജേഷും പ്രതിപ്പട്ടികയിൽ"
english_title: "Ariyil Shukoor Murder Case Verdict Today After 14-Year Wait"
publisher: "truevisionnews.com"
canonical_url: "https://truevisionnews.com/news/392207/ariyil-shukoor-murder-case-verdict-today"
published_at: "2026-11-19T06:26:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6afe4a4f05ec8_ariyil-shukoor-murder-case-verdict-today.jpg"
keywords: ["CBICourt", "KeralaPolitics", "PJayarajan", "TVRajesh", "MurderCase"]
---

# 14 വർഷത്തെ കാത്തിരിപ്പിന് വിരാമമാകുമോ? അരിയിൽ ഷുക്കൂർ വധക്കേസിൽ ഇന്ന് നിർണായക വിധി, പി. ജയരാജനും ടി.വി. രാജേഷും പ്രതിപ്പട്ടികയിൽ

> **Lead Summary:** കൊച്ചി: കേരള രാഷ്ട്രീയത്തിൽ വലിയ ചർച്ചകൾക്കും വിവാദങ്ങൾക്കും വഴിവെച്ച അരിയിൽ ഷുക്കൂർ വധക്കേസിൽ എറണാകുളം പ്രത്യേക സി.ബി.ഐ കോടതി ഇന്ന് (നവംബർ 19, വ്യാഴാഴ്ച) വിധി പ്രസ്താവിക്കും. സി.പി.എം സംസ്ഥാന സെക്രട്ടേറിയറ്റ് അംഗം പി. ജയരാജൻ 32-ാം പ്രതിയും സംസ്ഥാന കമ്മിറ്റി അംഗം ടി.വി. രാജേഷ് 33-ാം പ്രതിയുമായ കേസിന്റെ വിധിക്കായി രാഷ്ട്രീയ കേരളം കാത്തിരിക്കുകയാണ്.

## Article Content

കൊച്ചി: കേരള രാഷ്ട്രീയത്തിൽ വലിയ ചർച്ചകൾക്കും വിവാദങ്ങൾക്കും വഴിവെച്ച അരിയിൽ ഷുക്കൂർ വധക്കേസിൽ എറണാകുളം പ്രത്യേക സി.ബി.ഐ കോടതി ഇന്ന് (നവംബർ 19, വ്യാഴാഴ്ച) വിധി പ്രസ്താവിക്കും. സി.പി.എം സംസ്ഥാന സെക്രട്ടേറിയറ്റ് അംഗം പി. ജയരാജൻ 32-ാം പ്രതിയും സംസ്ഥാന കമ്മിറ്റി അംഗം ടി.വി. രാജേഷ് 33-ാം പ്രതിയുമായ കേസിന്റെ വിധിക്കായി രാഷ്ട്രീയ കേരളം കാത്തിരിക്കുകയാണ്.

2012 ഫെബ്രുവരി 20നാണ് കണ്ണൂർ കണ്ണപുരം കീഴറയിലെ വള്ളുവൻ കടവിൽ എം.എസ്.എഫ് നേതാവായിരുന്ന അരിയിൽ അബ്ദുൽ ഷുക്കൂർ കൊല്ലപ്പെട്ടത്. അന്ന് സി.പി.എം കണ്ണൂർ ജില്ലാ സെക്രട്ടറിയായിരുന്ന പി. ജയരാജൻ സഞ്ചരിച്ച വാഹനവ്യൂഹത്തിന് നേരെ ഷുക്കൂറും സംഘവും കല്ലെറിഞ്ഞതിന്റെ പ്രതികാരമായാണ് കൊലപാതകം നടന്നതെന്നാണ് സി.ബി.ഐയുടെ കണ്ടെത്തൽ. ജയരാജനും ടി.വി. രാജേഷിനുമെതിരെ ഗൂഢാലോചനക്കുറ്റമാണ് ചുമത്തിയിരിക്കുന്നത്.

സി.പി.എം സംസ്ഥാന സെക്രട്ടറി എം.വി. ഗോവിന്ദന്റെ മകൻ ശ്യാംജിത്ത് ഉൾപ്പെടെ 33 പേരാണ് കേസിൽ പ്രതികളായുള്ളത്. ഇതിൽ രണ്ടുപേർ മരണപ്പെട്ടതോടെ 31 പേരാണ് വിചാരണ നേരിട്ടത്. പി. ജയരാജനും ടി.വി. രാജേഷും യഥാക്രമം 32, 33 പ്രതികളാണ്.

17 മാസം നീണ്ട വിചാരണ നടപടികൾക്കിടെ 41 സാക്ഷികളെയാണ് കോടതി വിസ്തരിച്ചത്. സി.ബി.ഐ കുറ്റപത്രത്തിൽ 81 സാക്ഷികളാണുണ്ടായിരുന്നത്. വിചാരണയ്ക്കിടെ പ്രതിഭാഗം മൂന്ന് സാക്ഷികളെയും പ്രോസിക്യൂഷൻ ഒരു സാക്ഷിയെയും അധികമായി ഹാജരാക്കി. 238 രേഖകളും 21 തൊണ്ടിമുതലുകളും കോടതിയിൽ സമർപ്പിച്ചിരുന്നു.

നീണ്ട നിയമനടപടികൾക്കും വിചാരണയ്ക്കും ശേഷമാണ് കേസിൽ ഇന്ന് വിധി വരുന്നത്.

The Ernakulam special CBI court is set to pronounce its verdict today in the Ariyil Shukoor murder case, which has drawn major political attention in Kerala. Former CPM leaders P. Jayarajan and T.V. Rajesh are among the accused, with the case stemming from the 2012 killing of MSF leader Ariyil Abdul Shukoor.

### Related Links & Sources
- [Original Story Source](https://truevisionnews.com/news/392207/ariyil-shukoor-murder-case-verdict-today)