---
title: "'ഡ്രൈവര്‍മാര്‍ റോഡുകളുടെ ഉടയോന്മാരല്ല, കാലന്മാര്‍'; കൊച്ചിയിലെ ബസുകളുടെ മരണപ്പാച്ചിലിൽ കടുത്ത വിമർശനവുമായി ഹൈക്കോടതി"
english_title: "High Court Slams Kochi Bus ‘Death Rides’ in Strong Rebuke"
publisher: "truevisionnews.com"
canonical_url: "https://truevisionnews.com/news/390518/kochibus-death-rides-high-court"
published_at: "2026-11-06T17:55:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aedc84067620_kochibus-death-rides-high-court.jpg"
keywords: ["KeralaHighCourt", "KochiBuses", "RoadSafety", "PrivateBus", "Infopark"]
---

# 'ഡ്രൈവര്‍മാര്‍ റോഡുകളുടെ ഉടയോന്മാരല്ല, കാലന്മാര്‍'; കൊച്ചിയിലെ ബസുകളുടെ മരണപ്പാച്ചിലിൽ കടുത്ത വിമർശനവുമായി ഹൈക്കോടതി

> **Lead Summary:** കൊച്ചി: കൊച്ചിയിലെ സ്വകാര്യബസുകളുടെ മരണപ്പാച്ചിലിൽ പൊലീസിനെ നിർത്തിപ്പൊരിച്ച് ഹൈക്കോടതി. സുരക്ഷിതമായി വീടിലെത്താം എന്നതിന് എന്താണ് ഉറപ്പെന്ന് കോടതിയുടെ ചോദ്യം. കാക്കനാട് അപകടത്തിൽ ഇൻഫോപാർക്ക് ജീവനക്കാരി മരിച്ചത് സിസ്റ്റത്തിന്റെ പരാജയമാണെന്ന് കോടതി വിമർശിച്ചു.

## Article Content

കൊച്ചി: കൊച്ചിയിലെ സ്വകാര്യബസുകളുടെ മരണപ്പാച്ചിലിൽ പൊലീസിനെ നിർത്തിപ്പൊരിച്ച് ഹൈക്കോടതി. സുരക്ഷിതമായി വീടിലെത്താം എന്നതിന് എന്താണ് ഉറപ്പെന്ന് കോടതിയുടെ ചോദ്യം. കാക്കനാട് അപകടത്തിൽ ഇൻഫോപാർക്ക് ജീവനക്കാരി മരിച്ചത് സിസ്റ്റത്തിന്റെ പരാജയമാണെന്ന് കോടതി വിമർശിച്ചു.

ഡ്രൈവർമാർ റോഡിലെ ഉടമകൾ അല്ല, കാലന്മാരാണെന്നും കുറ്റപ്പെടുത്തിയ ജസ്റ്റിസ് ദേവൻ രാമചന്ദ്രൻ, ക്രിമിനലുകളെ ജീവനക്കാരാക്കുന്ന ബസ് ഉടമകൾക്കെതിരെ നടപടി വേണമെന്നും നിർദേശിച്ചു. സ്വകാര്യബസ് ഇടിച്ച് മരിച്ച അക്ഷരയുടെ കുടുംബത്തോട് മാപ്പ് പറയുന്നുവെന്നും കോടതി കൂട്ടിച്ചേർത്തു.

കേസ് വെള്ളിയാഴ്ച വീണ്ടും പരിഗണിക്കും. കാക്കനാട് സ്വകാര്യബസിടിച്ച് ഇൻഫോപാർക്ക് ജീവനക്കാരി മരിച്ചതിന് പിന്നാലെയാണ് ഹൈക്കോടതിയുടെ ഇടപെടൽ. അപകടത്തിന്റെ ദൃശ്യങ്ങൾ കണ്ട് നിൽക്കാനാവാത്തതെന്ന് ജസ്റ്റിസ് ദേവൻ രാമചന്ദ്രൻ പറഞ്ഞു.

നടക്കാൻ നടപ്പാതകൾ എവിടെയെന്നും യാത്രക്കാർക്ക് സുരക്ഷിതമായി വീടിലെത്താം എന്നതിന് എന്താണ് ഉറപ്പെന്നും കോടതി ചോദിച്ചു. അപകടമുണ്ടായാൽ ഇനി വാഹനം ഓടിക്കാൻ ആകില്ലെന്ന ഭയം ഡ്രൈവർമാർക്ക് ഉണ്ടാകണമെന്ന് കോടതി പറഞ്ഞു.

വിഷയത്തിൽ പൊലീസ് നടപടി എടുത്തില്ലെങ്കിൽ ജനം ശബ്ദം ഉയർത്താൻ ആവശ്യപ്പെടുമെന്നും കോടതി കൂട്ടിച്ചേർത്തു. ബസ് ഉടമകൾക്ക് ജീവനക്കാർ ക്രിമിനലുകളാണെന്ന് അറിയാമോ എന്ന് ചോദിച്ച കോടതി, കാക്കനാട് അപകടമുണ്ടാക്കിയ ഡ്രൈവർക്കെതിരെ എത്ര കേസുകൾ ഉണ്ടെന്ന് കോടതി ചോദിച്ചു.

ഡ്രൈവർമാർ റോഡിലെ കാലന്മാരാണെന്നും ഹൈക്കോടതി വിമർശനം ഉന്നയിച്ചു.

നടപ്പാതകൾ സ്ഥാപിക്കാത്തതിൽ കൊച്ചി കോർപ്പറേഷന് ഹൈക്കോടതിയുടെ അന്ത്യശാസനം. ഫുട്പാത്ത് സ്ഥാപിച്ചില്ലെങ്കിൽ കോടതിയലക്ഷ്യ നടപടി സ്വീകരിക്കുമെന്ന് കോടതി പറഞ്ഞു. ഇനിയും നടപ്പാതകൾ സ്ഥാപിച്ചില്ലെങ്കിൽ കോർപ്പറേഷൻ സെക്രട്ടറിയെ വിളിച്ചുവരുത്തുമെന്നും ഹൈക്കോടതി അറിയിച്ചു.

നിരത്തുകളിലെ ക്യാമറകൾ ഒന്നും കാണുന്നില്ലേ എന്നും കോടതി ചോദിച്ചു. കൊച്ചി പഴയ കൊച്ചി അല്ലെന്നും വാഹനങ്ങളുടെ എണ്ണം കൂടിയെന്നും കോടതി പറഞ്ഞു. ഈ സാഹചര്യത്തിൽ അപകടകരമായ ഡ്രൈവിംഗ് ന്യായമായി സമയക്രമം എങ്ങനെ പറയാനാകുമെന്ന് കോടതി ചോദിച്ചു.

ഫോണിൽ സംസാരിച്ചാണ് പല ഡ്രൈവർമാരും ബസ് ഓടിക്കുന്നതെന്നും കോടതി കൂട്ടിച്ചേർത്തു.

The Kerala High Court strongly criticized the reckless driving of private buses in Kochi after the death of an Infopark employee in a Kakkanad accident. Justice Devan Ramachandran said drivers are not owners of the road and urged strict action against bus owners and errant drivers, while also faulting the city corporation for failing to build footpaths.

### Related Links & Sources
- [Original Story Source](https://truevisionnews.com/news/390518/kochibus-death-rides-high-court)