---
title: "ഒരുമിച്ചൊരു ജീവിതം സ്വപ്നം കണ്ടെത്തി, കാത്തിരുന്നത് മരണം; പ്രണയിനിയുടെ പിതാവിന്റെ ആക്രമണത്തിൽ മലയാളി യുവാവിന് ദാരുണാന്ത്യം"
english_title: "Malayali Youth Beaten to Death in Bengaluru; Girlfriend’s Father Arrested"
publisher: "truevisionnews.com"
canonical_url: "https://truevisionnews.com/news/390211/bengaluru-malayali-youth-beaten-to-death"
published_at: "2026-11-04T16:59:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/6aeb184543df1_bengaluru-malayali-youth-beaten-to-death.jpg"
keywords: ["BengaluruCrime", "MalayaliYouth", "Palakkad", "PoliceArrest", "CrimeNews"]
---

# ഒരുമിച്ചൊരു ജീവിതം സ്വപ്നം കണ്ടെത്തി, കാത്തിരുന്നത് മരണം; പ്രണയിനിയുടെ പിതാവിന്റെ ആക്രമണത്തിൽ മലയാളി യുവാവിന് ദാരുണാന്ത്യം

> **Lead Summary:** ബെംഗളൂരു: ബെംഗളൂരുവിൽ മലയാളി യുവാവിനെ അടിച്ചു കൊന്നു. പാലക്കാട് തിരുവേഗപ്പുറം സ്വദേശി കിരണാണ് കൊല്ലപ്പെട്ടത്. പെൺസുഹൃത്തിന്റെ അച്ഛനാണ് കൊലപാതകം നടത്തിയത്. ബെംഗളൂരു യെലഹങ്കയിൽ നിന്നാണ് വാർത്ത പുറത്തുവരുന്നത്.

## Article Content

ബെംഗളൂരു: ബെംഗളൂരുവിൽ മലയാളി യുവാവിനെ അടിച്ചു കൊന്നു. പാലക്കാട് തിരുവേഗപ്പുറം സ്വദേശി കിരണാണ് കൊല്ലപ്പെട്ടത്. പെൺസുഹൃത്തിന്റെ അച്ഛനാണ് കൊലപാതകം നടത്തിയത്. ബെംഗളൂരു യെലഹങ്കയിൽ നിന്നാണ് വാർത്ത പുറത്തുവരുന്നത്.

ഇന്നലെ രാത്രിയാണ് സംഭവം. പാലക്കാട് പട്ടാമ്പിക്കടുത്ത് തിരുവേഗപ്പുറം സ്വദേശിയായ കിരൺ എന്ന 22കാരനാണ് കൊല്ലപ്പെട്ടത്. കിരണിന്റെ തൊഴിലുടമ കൂടിയായ ആനന്ദ് സംഭവത്തിൽ അറസ്റ്റിലായിട്ടുണ്ട്.

കഴിഞ്ഞ രണ്ട് വർഷമായി ആനന്ദിന്റെ കമ്പനിയിലെ ജോലിക്കാരനായിരുന്നു കിരൺ. ആനന്ദിന്റെ മകളായ 19കാരിയുമായി കിരൺ അടുപ്പത്തിലായിരുന്നു. തുടർച്ചയായ അവധി വന്നതോടെ മൈസൂരിൽ പഠിക്കുന്ന ഈ കുട്ടി തിരിച്ചുവന്നു.

ഇതിനിടെ ആനന്ദും ഭാര്യയും തമിഴ്നാട്ടിലേക്ക് പോകുകയാണെന്ന് പറഞ്ഞ് വീട്ടിൽ നിന്നിറങ്ങി. ഇതിന് പിന്നാലെ കിരൺ വീട്ടിലെത്തുകയായിരുന്നു. എന്നാൽ അപ്രതീക്ഷിതമായി വീട്ടിലേക്ക് തിരിച്ചെത്തിയ ആനന്ദ് മകളോടൊപ്പം കിരണിനെ കണ്ടതോടെ പ്രകോപിതനാകുകയായിരുന്നു.

മകളെ ബന്ധുവീട്ടിലേക്ക് മാറ്റിയ ശേഷം ബാറ്റുകൊണ്ടും പൈപ്പ് കൊണ്ടും കിരണിനെ ക്രൂരമായി ആക്രമിക്കുകയായിരുന്നു. അടിവയറ്റിലുൾപ്പെടെ മർദനമേറ്റു. മർദനത്തെ തുടർന്ന് കിരൺ കുഴഞ്ഞുവീണു.

ഉടൻ തന്നെ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു. ആശുപത്രി അധികൃതരാണ് പൊലീസുകാരെ വിളിച്ചറിയിച്ചത്. മൃതദേഹം മോർച്ചറിയിലേക്ക് മാറ്റിയിട്ടുണ്ട്.

A 22-year-old Malayali man from Thiruvegappuram in Palakkad was beaten to death in Bengaluru’s Yelahanka area, allegedly by his girlfriend’s father. Police have arrested Anand, the victim’s employer, in connection with the killing.

### Related Links & Sources
- [Original Story Source](https://truevisionnews.com/news/390211/bengaluru-malayali-youth-beaten-to-death)