---
title: "ഹൈമ ആള് കൊള്ളാലോ....! വിവാഹം കഴിക്കാമെന്ന് വിശ്വസിപ്പിച്ചു, പലതവണയായി വാങ്ങിയത് 20.81 ലക്ഷം; കോഴിക്കോട് സ്വദേശി യുവാവിന്റെ പരാതിയിൽ യുവതിക്കെതിരെ കേസ്"
english_title: "Woman Booked Over Alleged ₹20.81 Lakh Fraud in Marriage Promise Scam"
publisher: "truevisionnews.com"
canonical_url: "https://truevisionnews.com/news/390131/marriage-promise-fraud-kozhikode-case"
published_at: "2026-11-04T08:53:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aeaa5b37af1b_marriage-promise-fraud-kozhikode-case.jpg"
keywords: ["MarriageFraud", "KozhikodeNews", "CyberFraud", "PoliceCase", "FinancialScam"]
---

# ഹൈമ ആള് കൊള്ളാലോ....! വിവാഹം കഴിക്കാമെന്ന് വിശ്വസിപ്പിച്ചു, പലതവണയായി വാങ്ങിയത് 20.81 ലക്ഷം; കോഴിക്കോട് സ്വദേശി യുവാവിന്റെ പരാതിയിൽ യുവതിക്കെതിരെ കേസ്

> **Lead Summary:** കോഴിക്കോട്: വിവാഹ വാഗ്ദാനം നൽകി യുവാവിൽ നിന്ന് 20.81 ലക്ഷം രൂപ തട്ടിയെടുത്തെന്ന പരാതിയിൽ യുവതിക്കെതിരെ പൊലീസ് കേസെടുത്തു. തിരുവനന്തപുരം കഠിനംകുളം സ്വദേശിനി എച്ച്.എം. ഹൈമക്കെതിരെയാണ് കേസെടുത്തത്. കോഴിക്കോട് കക്കോടി സ്വദേശിയായ യുവാവിന്റെ പരാതിയിലാണ് നടപടി.

## Article Content

കോഴിക്കോട്: വിവാഹ വാഗ്ദാനം നൽകി യുവാവിൽ നിന്ന് 20.81 ലക്ഷം രൂപ തട്ടിയെടുത്തെന്ന പരാതിയിൽ യുവതിക്കെതിരെ പൊലീസ് കേസെടുത്തു. തിരുവനന്തപുരം കഠിനംകുളം സ്വദേശിനി എച്ച്.എം. ഹൈമക്കെതിരെയാണ് കേസെടുത്തത്. കോഴിക്കോട് കക്കോടി സ്വദേശിയായ യുവാവിന്റെ പരാതിയിലാണ് നടപടി.

സാമൂഹിക മാധ്യമത്തിലൂടെയാണ് യുവാവ് യുവതിയുമായി പരിചയത്തിലായത്. പിന്നീട് ഇരുവരും തമ്മിൽ സൗഹൃദത്തിലാവുകയും വിവാഹം കഴിക്കാമെന്ന് വിശ്വസിപ്പിച്ച് യുവതി പല ഘട്ടങ്ങളിലായി പണം കൈപ്പറ്റിയെന്നുമാണ് പരാതിയിൽ പറയുന്നത്.

ഇത്തരത്തിൽ വിവിധ ആവശ്യങ്ങൾ പറഞ്ഞ് ആകെ 20,81,450 രൂപ യുവാവിൽ നിന്ന് വാങ്ങിയെന്നാണ് ആരോപണം. ഇതിനിടെ യുവതി നേരത്തെ വിവാഹിതയാണെന്ന വിവരവും പുറത്തുവന്നിട്ടുണ്ട്.

വിവാഹ വാഗ്ദാനത്തിൽ വിശ്വസിച്ച് വലിയ തുക കൈമാറിയ യുവാവ് തട്ടിപ്പ് മനസ്സിലാക്കിയതോടെയാണ് പൊലീസിനെ സമീപിച്ചത്. പരാതിയുടെ അടിസ്ഥാനത്തിൽ കേസെടുത്ത പൊലീസ് സാമ്പത്തിക ഇടപാടുകൾ ഉൾപ്പെടെ പരിശോധിച്ച് അന്വേഷണം ആരംഭിച്ചു. സംഭവത്തിൽ കൂടുതൽ വിവരങ്ങൾ കണ്ടെത്താനുള്ള ശ്രമത്തിലാണ് അന്വേഷണസംഘം.

A woman has been booked in Kozhikode after a local man alleged that she cheated him of ₹20.81 lakh by promising marriage. Police have begun an investigation into the financial transactions and the circumstances behind the alleged fraud.

### Related Links & Sources
- [Original Story Source](https://truevisionnews.com/news/390131/marriage-promise-fraud-kozhikode-case)