---
title: "അധ്യാപകരെ രക്ഷിക്കാൻ വഴിവിട്ട കളി? വടകരയിലെ എംഡിഎംഎ കേസ്; എസ്.എസ്.കെ കോഴിക്കോട് ജില്ലാ കോർഡിനേറ്റർക്കെതിരെ വിജിലൻസ് അന്വേഷണം"
english_title: "Vadakara MDMA Case: Vigilance Probe Against SSK Coordinator"
publisher: "truevisionnews.com"
canonical_url: "https://truevisionnews.com/news/388338/vadakara-mdma-case-vigilance-probe"
published_at: "2026-10-23T12:48:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6adb0a8e134ec_vadakara-mdma-case-vigilance-probe.jpg"
keywords: ["VigilanceProbe", "SSKKozhikode", "MDMACase", "Perambra", "YouthCongress"]
---

# അധ്യാപകരെ രക്ഷിക്കാൻ വഴിവിട്ട കളി? വടകരയിലെ എംഡിഎംഎ കേസ്; എസ്.എസ്.കെ കോഴിക്കോട് ജില്ലാ കോർഡിനേറ്റർക്കെതിരെ വിജിലൻസ് അന്വേഷണം

> **Lead Summary:** **കോഴിക്കോട്: **അധ്യാപകർ പ്രതികളായ വടകര, പേരാമ്പ്ര എം.ഡി.എം.എ ലഹരി കേസുമായി ബന്ധപ്പെട്ട് സമഗ്ര ശിക്ഷ കേരളം കോഴിക്കോട് ജില്ലാ പ്രൊജക്ട് കോർഡിനേറ്റർ അബ്ദുൽ ഹക്കീമിനെതിരെ വിജിലൻസ് അന്വേഷണം ആരംഭിച്ചു. അനധികൃത സ്വത്ത് സമ്പാദനം, ഔദ്യോഗിക പദവി ദുരുപയോഗം ചെയ്യൽ തുടങ്ങിയ ഗുരുതര ആരോപണങ്ങളിലാണ് വിജിലൻസ് നടപടി. യൂത്ത് കോൺഗ്രസ് സംസ്ഥാന ജനറൽ സെക്രട്ടറി വി.പി. ദുൽഖിഫിൽ നൽകിയ പരാതിയുടെ അടിസ്ഥാനത്തിലാണ് അന്വേഷണം.

## Article Content

**കോഴിക്കോട്: **അധ്യാപകർ പ്രതികളായ വടകര, പേരാമ്പ്ര എം.ഡി.എം.എ ലഹരി കേസുമായി ബന്ധപ്പെട്ട് സമഗ്ര ശിക്ഷ കേരളം കോഴിക്കോട് ജില്ലാ പ്രൊജക്ട് കോർഡിനേറ്റർ അബ്ദുൽ ഹക്കീമിനെതിരെ വിജിലൻസ് അന്വേഷണം ആരംഭിച്ചു. അനധികൃത സ്വത്ത് സമ്പാദനം, ഔദ്യോഗിക പദവി ദുരുപയോഗം ചെയ്യൽ തുടങ്ങിയ ഗുരുതര ആരോപണങ്ങളിലാണ് വിജിലൻസ് നടപടി. യൂത്ത് കോൺഗ്രസ് സംസ്ഥാന ജനറൽ സെക്രട്ടറി വി.പി. ദുൽഖിഫിൽ നൽകിയ പരാതിയുടെ അടിസ്ഥാനത്തിലാണ് അന്വേഷണം.

എം.ഡി.എം.എ കേസിൽ പ്രതികളായ മൂന്ന് അധ്യാപികമാരും പേരാമ്പ്ര ബി.ആർ.സിക്ക് (BRC) കീഴിൽ കരാർ അടിസ്ഥാനത്തിൽ നിയമനം ലഭിച്ചവരായിരുന്നു. ഇവരുടെ കരാർ കാലാവധി അവസാനിച്ചതിന് പിന്നാലെ, പ്രതികളായ രണ്ടുപേരെ വീണ്ടും സർവീസിൽ പുനർനിയമിച്ചതാണ് വൻ വിവാദങ്ങൾക്ക് വഴിവെച്ചത്.

ജില്ലാ പ്രൊജക്ട് കോർഡിനേറ്ററുടെ വഴിവിട്ട താൽപര്യപ്രകാരമാണ് ഈ പുനർനിയമനം നടന്നതെന്നും എം.ഡി.എം.എ കേസുമായി ബന്ധപ്പെട്ട് ഇദ്ദേഹത്തിന് പങ്കുണ്ടെന്നുമാണ് പരാതിയിലെ പ്രധാന ആരോപണം. കൂടാതെ അബ്ദുൽ ഹക്കീം പദവി ദുരുപയോഗം ചെയ്ത് അനധികൃതമായി സ്വത്ത് സമ്പാദിച്ചതായും പരാതിയിൽ ചൂണ്ടിക്കാട്ടുന്നു. സംഭവത്തിൽ ആരോപണവിധേയമായ വിവരങ്ങൾ ശേഖരിക്കുന്നതിന്റെ ഭാഗമായി പരാതിക്കാരനായ വി.പി. ദുൽഖിഫിലിനെ വിജിലൻസ് ഓഫീസിലേക്ക് വിളിച്ചുവരുത്തി മൊഴിയെടുക്കും.

**English Summary:**

Vigilance has launched a probe against Samagra Shiksha Kerala Kozhikode District Project Coordinator Abdul Hakeem in connection with the Vadakara and Perambra MDMA case involving teachers. The inquiry follows allegations of official misconduct, misuse of power, illegal reappointment of accused teachers, and disproportionate assets.

### Related Links & Sources
- [Original Story Source](https://truevisionnews.com/news/388338/vadakara-mdma-case-vigilance-probe)