---
title: "ബിജെപിയെ പുറത്താക്കി, സിപിഐയുടെ രണ്ട് വോട്ടിൽ കോൺഗ്രസ് അധികാരത്തിലേക്ക്; പാറളം പഞ്ചായത്തിൽ നാടകീയ രാഷ്ട്രീയ നീക്കം"
english_title: "Congress Takes Power in Paralam Panchayat After BJP Ousted"
publisher: "truevisionnews.com"
canonical_url: "https://truevisionnews.com/news/388190/congress-takes-power-paralam-panchayat"
published_at: "2026-10-22T13:33:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ad9c47c92a90_congress-takes-power-paralam-panchayat.jpg"
keywords: ["Congress", "BJP", "CPI", "Thrissur", "KeralaPolitics"]
---

# ബിജെപിയെ പുറത്താക്കി, സിപിഐയുടെ രണ്ട് വോട്ടിൽ കോൺഗ്രസ് അധികാരത്തിലേക്ക്; പാറളം പഞ്ചായത്തിൽ നാടകീയ രാഷ്ട്രീയ നീക്കം

> **Lead Summary:** തൃശ്ശൂർ: അവിശ്വാസ പ്രമേയത്തിലൂടെ ബിജെപിക്ക് ഭരണം നഷ്ടപ്പെട്ട തൃശൂർ പാറളം പഞ്ചായത്ത് പിടിച്ചെടുത്ത് കോൺഗ്രസ്. വിപ്പ് ലംഘിച്ച് സിപിഐയുടെ രണ്ടംഗങ്ങൾ പ്രസിഡന്റ് തെരഞ്ഞെടുപ്പിൽ കോൺഗ്രസിന് വോട്ട് ചെയ്തു.

## Article Content

തൃശ്ശൂർ: അവിശ്വാസ പ്രമേയത്തിലൂടെ ബിജെപിക്ക് ഭരണം നഷ്ടപ്പെട്ട തൃശൂർ പാറളം പഞ്ചായത്ത് പിടിച്ചെടുത്ത് കോൺഗ്രസ്. വിപ്പ് ലംഘിച്ച് സിപിഐയുടെ രണ്ടംഗങ്ങൾ പ്രസിഡന്റ് തെരഞ്ഞെടുപ്പിൽ കോൺഗ്രസിന് വോട്ട് ചെയ്തു.

ഇതോടെ കോൺഗ്രസിന്റെ റോസ് മേരി അബേഷ് പഞ്ചായത്ത് പ്രസിഡന്റായി തെരഞ്ഞെടുക്കപ്പെട്ടു.17 അംഗ ഭരണസമിതിയിൽ ആറ് അംഗങ്ങൾ വീതമാണ് കോൺഗ്രസിനും ബിജെപിക്കുമുണ്ടായിരുന്നത്. മൂന്ന് അംഗങ്ങളാണ് സിപിഐയ്ക്കുള്ളത്. ഇതിൽ രണ്ട് പേർ കോൺഗ്രസിന് വോട്ട് ചെയ്തുകയായിരുന്നു.

എല്‍ഡിഎഫും യുഡിഎഫും ഒന്നിച്ച് നിന്നാണ് അവിശ്വാസത്തിലൂടെ ബിജെപിയെ പുറത്താക്കിയത്. പ്രസിഡന്റ്, വൈസ് പ്രസിഡന്റ് തെരഞ്ഞെടുപ്പില്‍ ബിജെപിയും എല്‍ഡിഎഫും മത്സരിച്ചിരുന്നു. സുധ അനിലനും കെ ആർ അനൂപുമായിരുന്നു എല്‍ഡിഎഫ് സ്ഥാനാർത്ഥികളായി മത്സരിച്ചത്.

അനിത പ്രസന്നനും മനോജ് അയ്യപ്പത്തുമായിരുന്നു ബിജെപി സ്ഥാനാർത്ഥികൾ. റോസ് മേരിയും നിഖിലുമായിരുന്നു കോൺഗ്രസിന്‍റെ പ്രസിഡന്റ്, വൈസ് പ്രസിഡന്റ് സ്ഥാനാര്‍ത്ഥികള്‍. വിപ്പ് ലംഘിച്ച് സിപിഐയുടെ രണ്ടംഗങ്ങൾ പ്രസിഡന്റ് തെരഞ്ഞെടുപ്പിൽ കോൺഗ്രസിന് വോട്ട് ചെയ്തത്.

In a dramatic political shift in Thrissur’s Paralam panchayat, Congress took control after BJP lost power through a no-confidence motion. Two CPI members broke the whip and voted for Congress in the president’s election, helping Rose Mary Abesh become the new panchayat president.

### Related Links & Sources
- [Original Story Source](https://truevisionnews.com/news/388190/congress-takes-power-paralam-panchayat)