---
title: "ലീഗിന്റെ അനുനയ നീക്കങ്ങൾക്ക് തിരിച്ചടി; വഖഫ് ബോർഡ് തർക്കത്തിൽ യോഗം ബഹിഷ്കരിച്ച് കാന്തപുരം വിഭാഗം"
english_title: "Waqf Board Row: Kanthapuram Faction Boycotts League's Reconciliation Meeting"
publisher: "truevisionnews.com"
canonical_url: "https://truevisionnews.com/news/387773/waqf-board-row-kanthapuram-boycotts-meeting"
published_at: "2026-10-19T16:24:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ad5f728655fd_waqf-board-row-kanthapuram-boycotts-meeting.jpg"
keywords: ["WaqfBoard", "MuslimLeague", "Kanthapuram", "KeralaPolitics", "CommunityRow"]
---

# ലീഗിന്റെ അനുനയ നീക്കങ്ങൾക്ക് തിരിച്ചടി; വഖഫ് ബോർഡ് തർക്കത്തിൽ യോഗം ബഹിഷ്കരിച്ച് കാന്തപുരം വിഭാഗം

> **Lead Summary:** **കോഴിക്കോട്: വ**ഖഫ് ബോർഡ് പുനസംഘടനയിൽ തങ്ങൾക്ക് അർഹമായ പ്രാതിനിധ്യം ലഭിക്കാത്തതിൽ പ്രതിഷേധിച്ച് മുസ്ലിം ലീഗ് വിളിച്ചുചേർത്ത മുസ്ലിം സംഘടനകളുടെ യോഗം ബഹിഷ്കരിക്കാൻ കാന്തപുരം അബൂബക്കർ മുസ്ലിയാർ വിഭാഗം തീരുമാനിച്ചു. നിലവിലെ സാഹചര്യത്തിൽ യാതൊരുവിധ വിട്ടുവീഴ്ചകൾക്കോ അനുനയ നീക്കങ്ങൾക്കോ മുന്നിൽ നിന്നുകൊടുക്കേണ്ടതില്ലെന്ന കടുത്ത നിലപാടിലാണ് എ.പി. വിഭാഗം മുന്നോട്ടുപോകുന്നത്.

## Article Content

**കോഴിക്കോട്: വ**ഖഫ് ബോർഡ് പുനസംഘടനയിൽ തങ്ങൾക്ക് അർഹമായ പ്രാതിനിധ്യം ലഭിക്കാത്തതിൽ പ്രതിഷേധിച്ച് മുസ്ലിം ലീഗ് വിളിച്ചുചേർത്ത മുസ്ലിം സംഘടനകളുടെ യോഗം ബഹിഷ്കരിക്കാൻ കാന്തപുരം അബൂബക്കർ മുസ്ലിയാർ വിഭാഗം തീരുമാനിച്ചു. നിലവിലെ സാഹചര്യത്തിൽ യാതൊരുവിധ വിട്ടുവീഴ്ചകൾക്കോ അനുനയ നീക്കങ്ങൾക്കോ മുന്നിൽ നിന്നുകൊടുക്കേണ്ടതില്ലെന്ന കടുത്ത നിലപാടിലാണ് എ.പി. വിഭാഗം മുന്നോട്ടുപോകുന്നത്.

കാന്തപുരം അബൂബക്കർ മുസ്ലിയാർ ഉൾപ്പെടെയുള്ള മൂന്ന് പ്രമുഖ നേതാക്കൾക്കാണ് യോഗത്തിൽ പങ്കെടുക്കണമെന്ന് ആവശ്യപ്പെട്ട് മുസ്ലിം ലീഗ് സംസ്ഥാന അധ്യക്ഷൻ സാദിഖലി ശിഹാബ് തങ്ങൾ കത്തുനൽകിയിരുന്നത്. എന്നാൽ വഖഫ് ബോർഡിൽ നിന്നുള്ള ഒഴിവാക്കലിൽ തങ്ങളുടെ കടുത്ത പ്രതിഷേധവും വിയോജിപ്പും അറിയിക്കുന്നതിന്റെ ഭാഗമായാണ് യോഗത്തിൽ നിന്ന് പൂർണ്ണമായും വിട്ടുനിൽക്കാൻ എ.പി. വിഭാഗം തീരുമാനമെടുത്തത്.

എ.പി. വിഭാഗത്തിന്റെ അതൃപ്തി പരിഹരിക്കുന്നതിനായി വരാനിരിക്കുന്ന ഹജ്ജ് ബോർഡ്, മദ്രസാ ബോർഡ് നിയമനങ്ങളിൽ കൃത്യമായ പരിഗണന നൽകി അനുനയത്തിലെത്താമെന്ന കണക്കുകൂട്ടലിലായിരുന്നു മുസ്ലിം ലീഗ് നേതൃത്വം. എന്നാൽ വഖഫ് ബോർഡിലെ ഒഴിവാക്കലിന് പകരം ഹജ്ജ് കമ്മിറ്റിയിലോ മറ്റ് ബോർഡുകളിലോ നൽകുന്ന പ്രാതിനിധ്യം സ്വീകരിച്ച് വിട്ടുവീഴ്ച ചെയ്യേണ്ടതില്ലെന്ന ഉറച്ച തീരുമാനത്തിലാണ് കാന്തപുരം വിഭാഗം. ഇത് മുസ്ലിം ലീഗ് നേതൃത്വത്തിന് വലിയ തിരിച്ചടിയായിട്ടുണ്ട്.

**English Summary:**

The Kanthapuram AP faction has decided to boycott a meeting of Muslim organizations convened by the Muslim League, protesting its exclusion from Waqf Board reorganization. The faction has rejected any compromise through representation in other boards, dealing a setback to the League's conciliatory efforts.

### Related Links & Sources
- [Original Story Source](https://truevisionnews.com/news/387773/waqf-board-row-kanthapuram-boycotts-meeting)