---
title: "നാടിനെ കണ്ണീരിലാഴ്ത്തി വാഹനാപകടം: നിയന്ത്രണം വിട്ടെത്തിയ പിക്കപ്പ് വാൻ സ്കൂട്ടറിലിടിച്ച്  യുവാവിന് ദാരുണാന്ത്യം  "
english_title: "MC Road Thiruvalla Thukalassery Scooter Pickup Van Collision Youth Dead"
publisher: "truevisionnews.com"
canonical_url: "https://truevisionnews.com/news/383524/mc-road-thiruvalla-thukalassery-scooter-pickup-accident-youth-dead"
published_at: "2026-09-20T10:40:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aaf6b1c78eb0_mc-road-thiruvalla-thukalassery-scooter-pickup-accident-youth-dead.jpg"
keywords: ["Road Accident Kerala", "Thiruvalla Accident", "MC Road Accident", "Kerala News"]
---

# നാടിനെ കണ്ണീരിലാഴ്ത്തി വാഹനാപകടം: നിയന്ത്രണം വിട്ടെത്തിയ പിക്കപ്പ് വാൻ സ്കൂട്ടറിലിടിച്ച്  യുവാവിന് ദാരുണാന്ത്യം  

> **Lead Summary:** **തിരുവല്ല: **എം.സി റോഡിലെ തിരുവല്ല തുകലശ്ശേരിയിൽ പിക്കപ്പ് വാനും സ്കൂട്ടറും കൂട്ടിയിടിച്ചുണ്ടായ ദാരുണ അപകടത്തിൽ യുവാവിന് ജീവാന്ത്യം. ആലപ്പുഴ തലവടി സ്വദേശിയായ അജീഷ് മോഹനൻ ആണ് മരിച്ചത്. ഞായറാഴ്ച രാവിലെ എട്ടരയോടെയായിരുന്നു സംഭവം.

## Article Content

**തിരുവല്ല: **എം.സി റോഡിലെ തിരുവല്ല തുകലശ്ശേരിയിൽ പിക്കപ്പ് വാനും സ്കൂട്ടറും കൂട്ടിയിടിച്ചുണ്ടായ ദാരുണ അപകടത്തിൽ യുവാവിന് ജീവാന്ത്യം. ആലപ്പുഴ തലവടി സ്വദേശിയായ അജീഷ് മോഹനൻ ആണ് മരിച്ചത്. ഞായറാഴ്ച രാവിലെ എട്ടരയോടെയായിരുന്നു സംഭവം.

അജീഷ് സഞ്ചരിച്ചിരുന്ന ഇരുചക്രവാഹനത്തിൽ നിയന്ത്രണം വിട്ടെത്തിയ പിക്കപ്പ് വാൻ ഇടിച്ചുകയറുകയായിരുന്നു. അപകടസമയത്ത് പ്രദേശത്ത് കനത്ത മഴയുണ്ടായിരുന്നു. റോഡിലെ വെള്ളത്തിൽ വാൻ തെന്നിമാറി നിയന്ത്രണം നഷ്ടപ്പെട്ട് സ്കൂട്ടറിലേക്ക് ഇടിച്ചതാണെന്നാണ് പ്രാഥമിക നിഗമനം.

അപകടത്തിൽ ഗുരുതരമായി പരിക്കേറ്റ അജീഷിനെ ഉടൻ തന്നെ തിരുവല്ലയിലെ സ്വകാര്യ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അജീഷിനൊപ്പം സ്കൂട്ടറിലുണ്ടായിരുന്ന ഇതര സംസ്ഥാന തൊഴിലാളി നിയാസിനും അപകടത്തിൽ പരിക്കേറ്റിട്ടുണ്ട്. ഇദ്ദേഹത്തെ ആശുപത്രിയിൽ പ്രവേശിപ്പിച്ചു. സംഭവത്തിൽ തിരുവല്ല പൊലീസ് തുടർനടപടികൾ സ്വീകരിച്ചു.

English Summary:

A youth died in a collision between a scooter and a pickup van at Thukalassery on MC Road in Thiruvalla. The deceased is Ajeesh Mohanan (29) from Thalavady, Alappuzha. The accident occurred around 8.30 am on Sunday. It is suspected the pickup van skidded in heavy rain and hit the scooter. A migrant worker Niyas, who was pillion riding, was injured and hospitalized.

### Related Links & Sources
- [Original Story Source](https://truevisionnews.com/news/383524/mc-road-thiruvalla-thukalassery-scooter-pickup-accident-youth-dead)