---
title: "ഒരു കള്ളപ്പണ ഇടപാടിനും വീണ നിന്നിട്ടില്ല, കൈവശമുണ്ടായിരുന്നത് ഭാവി ബിസിനസിന്റെ കുറിപ്പുകൾ; ഇ. ഡി ആരോപണങ്ങൾ തള്ളി മുഹമ്മദ് റിയാസ്"
english_title: "Masappadi Case Veena Vijayan Notes Are Future Business Plans No Black Money Says Mohammed Riyas"
publisher: "truevisionnews.com"
canonical_url: "https://truevisionnews.com/news/382918/masappadi-case-veena-notes-future-business-no-black-money-mohammed-riyas-rejects-ed-allegations"
published_at: "2026-09-16T13:18:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aa24d70444b1_masappadi-case-hassan-waris-against-ed-mohammed-riyas-statement-threat.jpg"
keywords: ["Masappadi Case", "Veena Vijayan", "ED Case", "Mohammed Riyas"]
---

# ഒരു കള്ളപ്പണ ഇടപാടിനും വീണ നിന്നിട്ടില്ല, കൈവശമുണ്ടായിരുന്നത് ഭാവി ബിസിനസിന്റെ കുറിപ്പുകൾ; ഇ. ഡി ആരോപണങ്ങൾ തള്ളി മുഹമ്മദ് റിയാസ്

> **Lead Summary:** തിരുവനന്തപുരം: മാസപ്പടി കേസുമായി ബന്ധപ്പെട്ട് വീണ വിജയന്റെ രേഖകളെക്കുറിച്ച് ഇഡി ഉന്നയിച്ച ആരോപണങ്ങൾ തള്ളി മുഹമ്മദ് റിയാസ്. വീണയുടെ കൈവശമുണ്ടായിരുന്ന രേഖകൾ ഭാവിയിൽ ആരംഭിക്കാനിരുന്ന ബിസിനസുമായി ബന്ധപ്പെട്ട് തയ്യാറാക്കിയ കുറിപ്പുകളാണെന്നും അതിൽ കള്ളപ്പണ ഇടപാടുകളൊന്നുമില്ലെന്നും റിയാസ് പറഞ്ഞു.

## Article Content

തിരുവനന്തപുരം: മാസപ്പടി കേസുമായി ബന്ധപ്പെട്ട് വീണ വിജയന്റെ രേഖകളെക്കുറിച്ച് ഇഡി ഉന്നയിച്ച ആരോപണങ്ങൾ തള്ളി മുഹമ്മദ് റിയാസ്. വീണയുടെ കൈവശമുണ്ടായിരുന്ന രേഖകൾ ഭാവിയിൽ ആരംഭിക്കാനിരുന്ന ബിസിനസുമായി ബന്ധപ്പെട്ട് തയ്യാറാക്കിയ കുറിപ്പുകളാണെന്നും അതിൽ കള്ളപ്പണ ഇടപാടുകളൊന്നുമില്ലെന്നും റിയാസ് പറഞ്ഞു.

ഇഡി അന്വേഷണം നടക്കുന്നതിനാൽ കേസുമായി ബന്ധപ്പെട്ട എല്ലാ കാര്യങ്ങളും ഇപ്പോൾ വിശദീകരിക്കുന്നില്ലെന്നും അദ്ദേഹം വ്യക്തമാക്കി. പിണറായി വിജയനും താനും പറഞ്ഞത് വ്യത്യസ്തമായ കാര്യങ്ങളാണെന്ന് വരുത്തിത്തീർക്കാനുള്ള ശ്രമമാണ് നടക്കുന്നതെന്നും റിയാസ് ആരോപിച്ചു.

റെഡ് ബുക്ക് ഇല്ലെന്നല്ല പിണറായി പറഞ്ഞതെന്നും, താൻ പറഞ്ഞതും അതിൽനിന്ന് വിരുദ്ധമായ കാര്യമല്ലെന്നും അദ്ദേഹം പറഞ്ഞു. ഒരു ഭാവി ബിസിനസ് ആരംഭിക്കുന്നതുമായി ബന്ധപ്പെട്ടാണ് കുറിപ്പുകൾ തയ്യാറാക്കിയതെന്നും റിയാസ് വ്യക്തമാക്കി.

> വീണ കള്ളപ്പണ ഇടപാട് അംഗീകരിച്ചുവെന്ന തരത്തിൽ പ്രചരിക്കുന്ന വാർത്തകൾ തെറ്റാണെന്നും റിയാസ് പറഞ്ഞു. “പണം കൊടുത്തു എന്ന് ആരാണ് പറഞ്ഞത്? ഞാൻ പറഞ്ഞോ, വീണ പറഞ്ഞോ?” എന്നും അദ്ദേഹം ചോദിച്ചു.

രേഖകളിൽ എഴുതിയ കാര്യങ്ങൾ കള്ളപ്പണവുമായി ബന്ധപ്പെട്ടതല്ലെന്നും ഒരു തരത്തിലുള്ള കള്ളപ്പണവും വീണ വാങ്ങുകയോ കൊടുക്കുകയോ ചെയ്തിട്ടില്ലെന്നും റിയാസ് വ്യക്തമാക്കി.

ഫ്യൂച്ചർ ബിസിനസുമായി ബന്ധപ്പെട്ട് യാതൊരു ആശയക്കുഴപ്പവുമില്ലെന്നും ഒരു സംവിധാനം ആരംഭിച്ചാൽ പിന്നീട് എന്തെല്ലാം കാര്യങ്ങൾ ഉണ്ടാകുമെന്നതുമായി ബന്ധപ്പെട്ടാണ് കുറിപ്പുകൾ തയ്യാറാക്കിയതെന്നും അദ്ദേഹം പറഞ്ഞു. അന്വേഷണവുമായി ബന്ധപ്പെട്ട നിയമനടപടികൾ നടക്കുന്നതിനാൽ കൂടുതൽ കാര്യങ്ങൾ പറയുന്നില്ലെന്നും റിയാസ് വ്യക്തമാക്കി.

ഇതിനിടെ, ഇഡി അന്വേഷണം രാഷ്ട്രീയ ലക്ഷ്യത്തോടെയുള്ളതാണെന്ന വിമർശനവും റിയാസ് നേരത്തെ ഉന്നയിച്ചിരുന്നു. ആരോപണങ്ങൾ വഴി തന്നെ ഭയപ്പെടുത്തി കീഴ്പ്പെടുത്താനുള്ള ശ്രമമാണ് നടക്കുന്നതെന്നും അദ്ദേഹം ആരോപിച്ചു.

**English Summary:**

Mohammed Riyas rejected ED allegations about Veena Vijayan's documents in Masappadi case, saying they are notes for a future business and contain no black money transactions. He said he is not disclosing all details as ED probe is ongoing. He claimed attempts are being made to show he and Pinarayi Vijayan said different things, clarifying Pinarayi did not say there is no red book. He denied reports that Veena admitted black money deal, stating Veena neither gave nor received black money.

### Related Links & Sources
- [Original Story Source](https://truevisionnews.com/news/382918/masappadi-case-veena-notes-future-business-no-black-money-mohammed-riyas-rejects-ed-allegations)