---
title: "ക്രിക്കറ്റിൽ നിന്ന് പടിയിറങ്ങി രഹാനെ; പ്രതിമാസം 70,000 രൂപ ബിസിസിഐ പെൻഷൻ"
english_title: "Ajinkya Rahane Retirement BCCI Pension 70000 Per Month"
publisher: "truevisionnews.com"
canonical_url: "https://truevisionnews.com/news/376194/ajinkya-rahane-retirement-bcci-pension-70000-per-month"
published_at: "2026-08-02T15:13:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/6a6f1215f3c22_ajinkya-rahane-retirement-bcci-pension-70000-per-month.jpg"
keywords: ["Ajinkya Rahane", "BCCI Pension", "Indian Cricket", "Retirement", "Border Gavaskar Trophy", "Sourav Ganguly"]
---

# ക്രിക്കറ്റിൽ നിന്ന് പടിയിറങ്ങി രഹാനെ; പ്രതിമാസം 70,000 രൂപ ബിസിസിഐ പെൻഷൻ

> **Lead Summary:** മുംബൈ: [https://truevisionnews.com/)] വിദേശ പിച്ചുകളിൽ ഇന്ത്യയുടെ ഉറച്ച പോരാളിയും മുൻ ക്യാപ്റ്റനുമായ അജിൻക്യ രഹാനെ അന്താരാഷ്ട്ര ക്രിക്കറ്റിൽ നിന്ന് വിരമിച്ചു. 2020-21-ലെ ഓസ്‌ട്രേലിയൻ പര്യടനത്തിൽ ഇന്ത്യക്ക് ചരിത്രപരമായ ബോർഡർ-ഗാവസ്‌കർ ട്രോഫി സമ്മാനിച്ച രഹാനെ, ക്രിക്കറ്റ് ലോകത്തിന്റെ വലിയ ആദരവ് ഏറ്റുവാങ്ങിയാണ് പടിയിറങ്ങുന്നത്. കളി അവസാനിപ്പിച്ച് പുതിയ ജീവിതത്തിലേക്ക് കടക്കുന്ന രഹാനെക്ക് ബിസിസിഐയിൽ നിന്ന് മികച്ച സാമ്പത്തിക പിന്തുണയും ലഭിക്കും.

## Article Content

മുംബൈ: [https://truevisionnews.com/)] വിദേശ പിച്ചുകളിൽ ഇന്ത്യയുടെ ഉറച്ച പോരാളിയും മുൻ ക്യാപ്റ്റനുമായ അജിൻക്യ രഹാനെ അന്താരാഷ്ട്ര ക്രിക്കറ്റിൽ നിന്ന് വിരമിച്ചു. 2020-21-ലെ ഓസ്‌ട്രേലിയൻ പര്യടനത്തിൽ ഇന്ത്യക്ക് ചരിത്രപരമായ ബോർഡർ-ഗാവസ്‌കർ ട്രോഫി സമ്മാനിച്ച രഹാനെ, ക്രിക്കറ്റ് ലോകത്തിന്റെ വലിയ ആദരവ് ഏറ്റുവാങ്ങിയാണ് പടിയിറങ്ങുന്നത്. കളി അവസാനിപ്പിച്ച് പുതിയ ജീവിതത്തിലേക്ക് കടക്കുന്ന രഹാനെക്ക് ബിസിസിഐയിൽ നിന്ന് മികച്ച സാമ്പത്തിക പിന്തുണയും ലഭിക്കും.

2022ല്‍ മുന്‍ ക്രിക്കറ്റ് താരങ്ങളുടെ പെന്‍ഷന്‍ തുക ബിസിസിഐ പരിഷ്‌കരിച്ചിരുന്നു. 85 ടെസ്റ്റ് മത്സരങ്ങള്‍ ഇന്ത്യക്കായി കളിച്ചിട്ടുള്ള രഹാനെ ഉയര്‍ന്ന പെന്‍ഷന്‍ സ്ലാബിലാണ് ഉള്‍പ്പെടുന്നത്. ഇത്രയും പരിചയസമ്പന്നരായ താരങ്ങള്‍ക്ക് മുമ്പ് പ്രതിമാസം 50,000 രൂപയാണ് പെന്‍ഷനായി ലഭിച്ചിരുന്നത്. എന്നാല്‍ നാല് വര്‍ഷം മുമ്പ് അത് 70,000 രൂപയായി ഉയര്‍ത്തുകയായിരുന്നു. സൗരവ് ഗാംഗുലി ബിസിസിഐ പ്രസിഡന്റായിരുന്ന കാലത്താണ് ഈ തീരുമാനം പ്രഖ്യാപിച്ചത്.

അന്ന് ഗാംഗുലി വ്യക്തമാക്കിയതിങ്ങനെ... ''മുന്‍ ക്രിക്കറ്റ് താരങ്ങളുടെ സാമ്പത്തിക സുരക്ഷിതത്വം ഉറപ്പാക്കേണ്ടത് വളരെ പ്രധാനമാണ്. കളിക്കാര്‍ തന്നെയാണ് ഇതിന്റെയെല്ലാം ജീവനാഡി, അവരുടെ കരിയര്‍ അവസാനിച്ചുകഴിഞ്ഞാല്‍ ഒപ്പം നില്‍ക്കേണ്ടത് ഒരു ബോര്‍ഡ് എന്ന നിലയില്‍ ഞങ്ങളുടെ കടമയാണ്.'' പെന്‍ഷന്‍ പരിഷ്‌കരണ വേളയില്‍ ഗാംഗുലി വ്യക്തമാക്കി.

ഇന്ത്യക്കായി 85 ടെസ്റ്റുകളും, 90 ഏകദിനങ്ങളും, 20 ടി20 മത്സരങ്ങളും രഹാനെ കളിച്ചിട്ടുണ്ട്. അടുത്ത ഘട്ടത്തില്‍ താന്‍ എന്താണ് ചെയ്യാന്‍ പോകുന്നതെന്ന് താരം ഇതുവരെ ഔദ്യോഗികമായി സ്ഥിരീകരിച്ചിട്ടില്ലെങ്കിലും, അടുത്ത തലമുറയിലെ ക്രിക്കറ്റ് താരങ്ങളെ പരിശീലിപ്പിക്കാനും ഉപദേശകനാകാനും താല്‍പ്പര്യപ്പെടുന്നുണ്ടെന്ന് അദ്ദേഹം സൂചന നല്‍കിയിട്ടുണ്ട്.

എങ്കിലും, രഹാനെയുടെ പെന്‍ഷനുമായി ബന്ധപ്പെട്ട് ഒരു വ്യവസ്ഥയുണ്ട്. ബിസിസിഐയില്‍ ഔദ്യോഗികമായി ഏതെങ്കിലും ഭരണപരമായ ചുമതലയോ കോച്ചിംഗ് പദവിയോ ഏറ്റെടുക്കുന്നത് വരെ മാത്രമേ ഈ പെന്‍ഷന്‍ ലഭിക്കുകയുള്ളൂ. ബോര്‍ഡിന്റെ കീഴില്‍ അത്തരം ഔദ്യോഗിക പദവികള്‍ സ്വീകരിച്ച് ശമ്പളം വാങ്ങാന്‍ തുടങ്ങിയാല്‍, ആ കാലയളവില്‍ ഈ പെന്‍ഷന്‍ തുക താല്‍ക്കാലികമായി നിര്‍ത്തിവയ്ക്കും.

### Related Links & Sources
- [Original Story Source](https://truevisionnews.com/news/376194/ajinkya-rahane-retirement-bcci-pension-70000-per-month)