---
title: "കണ്ണൂർ സബ് ജയിലിലേക്ക് മാറ്റി; നിതിൻ രാജിന്റെ മരണകേസിൽ ഡോ. എം.കെ. റാമിനെ 14 ദിവസത്തേക്ക് റിമാൻഡ് ചെയ്ത് കോടതി"
english_title: "Dr MK Ram Remanded In Nithin Raj Death Case Kannur Dental College"
publisher: "truevisionnews.com"
canonical_url: "https://truevisionnews.com/news/374213/dr-mk-ram-remanded-nithin-raj-death-case-kannur"
published_at: "2026-07-23T22:24:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a5e55fe31474_anjarakandy-nithin-raj-death-case-dr-mk-ram-arrest.jpg"
keywords: ["Nithin Raj Death", "MK Ram", "Kannur Dental College", "Remand", "Crime Branch"]
---

# കണ്ണൂർ സബ് ജയിലിലേക്ക് മാറ്റി; നിതിൻ രാജിന്റെ മരണകേസിൽ ഡോ. എം.കെ. റാമിനെ 14 ദിവസത്തേക്ക് റിമാൻഡ് ചെയ്ത് കോടതി

> **Lead Summary:** **കണ്ണൂർ: **അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിതിൻ രാജിന്റെ മരണവുമായി ബന്ധപ്പെട്ട കേസിൽ അറസ്റ്റിലായ ഡോ. എം.കെ. റാമിനെ കോടതി 14 ദിവസത്തേക്ക് റിമാൻഡ് ചെയ്തു. തലശ്ശേരി പ്രിൻസിപ്പൽ സെഷൻസ് കോടതിയാണ് റിമാൻഡ് ഉത്തരവ് പുറപ്പെടുവിച്ചത്. തുടർന്ന് റാമിനെ കണ്ണൂർ സബ് ജയിലിലേക്ക് മാറ്റി.

## Article Content

**കണ്ണൂർ: **അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിതിൻ രാജിന്റെ മരണവുമായി ബന്ധപ്പെട്ട കേസിൽ അറസ്റ്റിലായ ഡോ. എം.കെ. റാമിനെ കോടതി 14 ദിവസത്തേക്ക് റിമാൻഡ് ചെയ്തു. തലശ്ശേരി പ്രിൻസിപ്പൽ സെഷൻസ് കോടതിയാണ് റിമാൻഡ് ഉത്തരവ് പുറപ്പെടുവിച്ചത്. തുടർന്ന് റാമിനെ കണ്ണൂർ സബ് ജയിലിലേക്ക് മാറ്റി.

നേരത്തെ നടപടിക്രമങ്ങൾ പാലിക്കാതെ അറസ്റ്റ് ചെയ്തതിനെ തുടർന്ന് റാമിനെ കോടതി വിട്ടയച്ചിരുന്നു. ഇതിന് പിന്നാലെ പുതിയ അന്വേഷണ സംഘം രൂപീകരിച്ച് കേസ് അന്വേഷണം പുനരാരംഭിച്ചു.കോടതിയുടെ അനുമതി ലഭിച്ചതിന് ശേഷം ഇന്ന് വൈകിട്ടാണ് അന്വേഷണ സംഘം റാമിനെ വീണ്ടും അറസ്റ്റ് ചെയ്തത്.

അറസ്റ്റ് അപേക്ഷയിൽ കോടതി തീരുമാനമെടുക്കുന്നതിന് മുൻപേ റാം കണ്ണൂർ ക്രൈംബ്രാഞ്ച് ഓഫീസിൽ ഹാജരായിരുന്നു. തുടർന്ന് ഔദ്യോഗിക നടപടികൾ പൂർത്തിയാക്കിയാണ് അറസ്റ്റ് രേഖപ്പെടുത്തിയത്.

നിതിൻ രാജിന്റെ മരണത്തിൽ ദുരൂഹത ആരോപിച്ച് രക്ഷിതാക്കളും വിദ്യാർത്ഥികളും ശക്തമായ പ്രതിഷേധം നടത്തിയിരുന്നു. കേസിൽ കൂടുതൽ തെളിവുകൾ ശേഖരിക്കാനും മറ്റ് പ്രതികളെ കണ്ടെത്താനുമാണ് പുതിയ അന്വേഷണ സംഘത്തിന്റെ ലക്ഷ്യം.

### Related Links & Sources
- [Original Story Source](https://truevisionnews.com/news/374213/dr-mk-ram-remanded-nithin-raj-death-case-kannur)