---
title: " നേരറിയാൻ ക്രൈംബ്രാഞ്ച്....!  2018ലെ മഹാപ്രളയം മനുഷ്യനിർമിതമോ? കൃഷ്ണൻകുട്ടിയുടെ പേരിൽ വന്ന ശബ്ദ രേഖയിൽ  അന്വേഷണത്തിന് ഉത്തരവിട്ട് രമേശ് ചെന്നിത്തല"
english_title: "Crime Branch Probe Ordered Into 2018 Kerala Floods Audio Leak"
publisher: "truevisionnews.com"
canonical_url: "https://truevisionnews.com/news/372390/crime-branch-probe-2018-kerala-floods-audio-leak"
published_at: "2026-07-14T17:25:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6a56242b6cd7c_crime-branch-probe-2018-kerala-floods-audio-leak.jpg"
keywords: ["Kerala Flood 2018", "Crime Branch", "Ramesh Chennithala", "K. Krishnankutty"]
---

#  നേരറിയാൻ ക്രൈംബ്രാഞ്ച്....!  2018ലെ മഹാപ്രളയം മനുഷ്യനിർമിതമോ? കൃഷ്ണൻകുട്ടിയുടെ പേരിൽ വന്ന ശബ്ദ രേഖയിൽ  അന്വേഷണത്തിന് ഉത്തരവിട്ട് രമേശ് ചെന്നിത്തല

> **Lead Summary:** തിരുവനന്തപുരം: 2018-ൽ കേരളത്തെ മുക്കിയ മഹാപ്രളയം മനുഷ്യ നിർമിതമാണെന്ന ആരോപണവുമായി ബന്ധപ്പെട്ട് ക്രൈംബ്രാഞ്ച് അന്വേഷണം പ്രഖ്യാപിച്ചു. ഒരു ശബ്ദ രേഖ പുറത്തുവന്നതിന്റെ അടിസ്ഥാനത്തിലാണ് ആഭ്യന്തര മന്ത്രി രമേശ് ചെന്നിത്തല ക്രൈംബ്രാഞ്ചിന് അന്വേഷണത്തിന് ഉത്തരവ് നൽകിയത്.

## Article Content

തിരുവനന്തപുരം: 2018-ൽ കേരളത്തെ മുക്കിയ മഹാപ്രളയം മനുഷ്യ നിർമിതമാണെന്ന ആരോപണവുമായി ബന്ധപ്പെട്ട് ക്രൈംബ്രാഞ്ച് അന്വേഷണം പ്രഖ്യാപിച്ചു. ഒരു ശബ്ദ രേഖ പുറത്തുവന്നതിന്റെ അടിസ്ഥാനത്തിലാണ് ആഭ്യന്തര മന്ത്രി രമേശ് ചെന്നിത്തല ക്രൈംബ്രാഞ്ചിന് അന്വേഷണത്തിന് ഉത്തരവ് നൽകിയത്.

മഹാപ്രളയത്തിന് പിന്നിൽ ക്രിമിനൽ ഗൂഢാലോചനയുണ്ടെന്നും ഇത് മനുഷ്യ നിർമിത ദുരന്തമാണെന്നും വെളിപ്പെടുത്തുന്ന വിധത്തിലാണ് ശബ്ദ രേഖ പുറത്തുവന്നത്. മുൻ വൈദ്യുതി വകുപ്പ് മന്ത്രി കെ കൃഷ്ണൻകുട്ടിയുടെതാണെന്ന് ആരോപിക്കപ്പെടുന്ന ശബ്ദ രേഖയെക്കുറിച്ചാണ് ഇപ്പോൾ അന്വേഷണം നടക്കുന്നത്.

ഈ ശബ്ദ രേഖയെക്കുറിച്ച് സമഗ്രമായ അന്വേഷണം നടത്തി സത്യാവസ്ഥ പുറത്തുകൊണ്ടുവരണമെന്ന് ആവശ്യപ്പെട്ട് ഒരു സ്വകാര്യ വ്യക്തി നൽകിയ പരാതിയിലാണ് ആഭ്യന്തര മന്ത്രിയുടെ നടപടി. പരാതി ലഭിച്ച ഉടൻ തന്നെ വിഷയത്തിന്റെ ഗൗരവം കണക്കിലെടുത്ത് ക്രൈംബ്രാഞ്ചിനോട് അന്വേഷണം ആരംഭിക്കാൻ നിർദ്ദേശം നൽകുകയായിരുന്നു.

എന്നാൽ ആരോപണ വിധേയമായ ശബ്ദ രേഖ വ്യാജമാണെന്നാണ് കെ കൃഷ്ണൻകുട്ടിയുടെ വിശദീകരണം. തന്റെ പേരിൽ പ്രചരിക്കുന്നത് കെട്ടിച്ചമച്ച ഓഡിയോ ആണെന്നും ഇതിന് പിന്നിൽ രാഷ്ട്രീയ ലക്ഷ്യങ്ങളുണ്ടെന്നും അദ്ദേഹം ആരോപിച്ചു.

2018-ലെ പ്രളയം കേരള ചരിത്രത്തിലെ ഏറ്റവും വലിയ ദുരന്തങ്ങളിൽ ഒന്നായിരുന്നു. സംസ്ഥാനത്തെ മുഴുവൻ ജില്ലകളെയും ബാധിച്ച പ്രളയത്തിൽ നൂറുകണക്കിന് പേർ മരിക്കുകയും ലക്ഷക്കണക്കിന് പേർക്ക് വീടും സ്വത്തും നഷ്ടമാവുകയും ചെയ്തിരുന്നു. അണക്കെട്ടുകൾ തുറന്നതാണ് പ്രളയത്തിന് കാരണമെന്ന ആരോപണം അന്ന് മുതൽ ഉയർന്നിരുന്നെങ്കിലും ഇപ്പോൾ പുറത്തുവന്ന ശബ്ദ രേഖ ആ ആരോപണങ്ങൾക്ക് പുതിയ മാനം നൽകുകയാണ്.

ക്രൈംബ്രാഞ്ച് ശബ്ദ രേഖയുടെ ആധികാരികത പരിശോധിക്കും. ആരാണ് ശബ്ദ രേഖ പുറത്തുവിട്ടതെന്നും ഇതിന് പിന്നിൽ ഗൂഢാലോചനയുണ്ടോ എന്നും സംഘം അന്വേഷിക്കും. അന്വേഷണ റിപ്പോർട്ട് ലഭിച്ച ശേഷം തുടർനടപടികൾ സ്വീകരിക്കുമെന്ന് ആഭ്യന്തര വകുപ്പ് അറിയിച്ചു.

### Related Links & Sources
- [Original Story Source](https://truevisionnews.com/news/372390/crime-branch-probe-2018-kerala-floods-audio-leak)