---
title: "എ എ റഹിം മാറും; സിപിഐഎം തിരുവനന്തപുരം ജില്ലാ  സെക്രട്ടറിയായി വി.ജോയി തുടരും"
english_title: "It has been agreed within the party that V Joy MLA will continue as the cpim Thiruvananthapuram District Secretary."
publisher: "truevisionnews.com"
canonical_url: "https://truevisionnews.com/news/364975/it-has-been-agreed-within-the-party-that-v-joy-mla-will-continue-as-the-cpim-thiruvananthapuram-district-secretary"
published_at: "2026-06-09T20:32:00+05:30"
category: "Politics"
language: "ml"
image: "https://cf.zdn.im/img/truevisionnews.com/0/image-uploads/6a282b00dd40b_joy.jpg"
keywords: ["Latest News", "CPIM", "Thiruvananthapuram", "V Joy"]
---

# എ എ റഹിം മാറും; സിപിഐഎം തിരുവനന്തപുരം ജില്ലാ  സെക്രട്ടറിയായി വി.ജോയി തുടരും

> **Lead Summary:** **തിരുവനന്തപുരം: **സി പി ഐഎം തിരുവനന്തപുരം ജില്ലാ സെക്രട്ടറിയായി വി ജോയി എം എൽ എ തന്നെ തുടരാൻ പാർട്ടിയിൽ ധാരണയായി. തിരുവനന്തപുരം ജില്ലയിൽ നിന്നുള്ള സംസ്ഥാന സമിതി അംഗങ്ങളുടെ നിർണ്ണായക യോഗത്തിലാണ് വി ജോയിയെ ജില്ലാ സെക്രട്ടറി പദവിയിൽ നിലനിർത്താനുള്ള ധാരണയായത്.

## Article Content

**തിരുവനന്തപുരം: **സി പി ഐഎം തിരുവനന്തപുരം ജില്ലാ സെക്രട്ടറിയായി വി ജോയി എം എൽ എ തന്നെ തുടരാൻ പാർട്ടിയിൽ ധാരണയായി. തിരുവനന്തപുരം ജില്ലയിൽ നിന്നുള്ള സംസ്ഥാന സമിതി അംഗങ്ങളുടെ നിർണ്ണായക യോഗത്തിലാണ് വി ജോയിയെ ജില്ലാ സെക്രട്ടറി പദവിയിൽ നിലനിർത്താനുള്ള ധാരണയായത്.

എ കെ ജി സെന്ററിൽ സി പി എം സംസ്ഥാന സെക്രട്ടറി എം വി ഗോവിന്ദന്റെ നേതൃത്വത്തിൽ നടന്ന ചർച്ചകളിൽ പ്രതിപക്ഷ നേതാവ് പിണറായി വിജയനടക്കം പങ്കെടുത്തു.

ജില്ലാ സെക്രട്ടറിയെ തിരഞ്ഞെടുക്കുന്നതുമായി ബന്ധപ്പെട്ട് നിലനിന്നിരുന്ന ആകാംഷകൾക്കാണ് ഈ തീരുമാനത്തോടെ വിരാമമായിരിക്കുന്നത്. സംസ്ഥാന സെന്ററിന്റെ ഈ തീരുമാനം നാളെ ചേരുന്ന സി പി എം തിരുവനന്തപുരം ജില്ലാ കമ്മിറ്റി യോഗത്തിൽ ഔദ്യോഗികമായി റിപ്പോർട്ട് ചെയ്യും.

നാളത്തെ യോഗത്തിൽ സംസ്ഥാന നേതൃത്വം വി ജോയി ജില്ലാ സെക്രട്ടറി സ്ഥാനത്ത് തുടരണമെന്ന് നിർദ്ദേശിക്കുന്നതോടെ തുടർനടപടികൾ പൂർത്തിയാകും. തെരഞ്ഞെടുപ്പിൽ മത്സരിക്കാനായി വി ജോയി തത്കാലത്തേക്ക് സെക്രട്ടറി സ്ഥാനത്ത് നിന്ന് മാറി നിന്നിരുന്നു.

രാജ്യസഭാംഗമായ എ എ റഹിമായിരുന്നു താത്കാലിക ജില്ലാ സെക്രട്ടറി. എം എൽ എമാർ ജില്ലാ സെക്രട്ടറി സ്ഥാനം ഒഴിയുന്നതാണ് സി പി എമ്മിലെ സംഘടനാ രീതി. എന്നാൽ ജില്ലയിൽ നിലനിൽക്കുന്ന രൂക്ഷമായ തർക്കം കാരണമാണ് ജോയിക്ക് ഒഴിയാനാകാത്തത്.

### Related Links & Sources
- [Original Story Source](https://truevisionnews.com/news/364975/it-has-been-agreed-within-the-party-that-v-joy-mla-will-continue-as-the-cpim-thiruvananthapuram-district-secretary)