---
title: "മൂന്ന് മണിക്കൂർ, 12 പവൻ! നാദാപുരം ഇരിങ്ങണ്ണൂരിൽ വീട് കുത്തിത്തുറന്ന് വൻ മോഷണം, സ്വർണ്ണവും പണവും കവർന്നു"
english_title: "Massive theft after breaking into a house in Iringannoor, Nadapuram"
publisher: "truevisionnews.com"
canonical_url: "https://truevisionnews.com/news/343605/massive-theft-after-breaking-into-a-house-in-iringannoor-nadapuram"
published_at: "2026-02-23T07:06:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/699baf322de49_CRIME.jpg"
keywords: []
---

# മൂന്ന് മണിക്കൂർ, 12 പവൻ! നാദാപുരം ഇരിങ്ങണ്ണൂരിൽ വീട് കുത്തിത്തുറന്ന് വൻ മോഷണം, സ്വർണ്ണവും പണവും കവർന്നു

> **Lead Summary:** **കോഴിക്കോട് : **നാദാപുരം ഇരിങ്ങണ്ണൂരിൽ വീട് കുത്തിത്തുറന്ന് വൻ മോഷണം. വീട്ടിനുള്ളിൽ സൂക്ഷിച്ചിരുന്ന ഏകദേശം 12 പവൻ സ്വർണ്ണവും പണവും കവർന്നു. കുഴങ്ങാലിൽ കുഞ്ഞിരാമന്റെ വീട്ടിലാണ് മോഷണം നടന്നത്. വീട്ടുകാർ സമീപത്തെ ക്ഷേത്രത്തിലെ ഉത്സവത്തിൽ പങ്കെടുക്കാൻ പോയ സമയത്താണ് മോഷണം നടന്നത്. 

## Article Content

**കോഴിക്കോട് : **നാദാപുരം ഇരിങ്ങണ്ണൂരിൽ വീട് കുത്തിത്തുറന്ന് വൻ മോഷണം. വീട്ടിനുള്ളിൽ സൂക്ഷിച്ചിരുന്ന ഏകദേശം 12 പവൻ സ്വർണ്ണവും പണവും കവർന്നു. കുഴങ്ങാലിൽ കുഞ്ഞിരാമന്റെ വീട്ടിലാണ് മോഷണം നടന്നത്. വീട്ടുകാർ സമീപത്തെ ക്ഷേത്രത്തിലെ ഉത്സവത്തിൽ പങ്കെടുക്കാൻ പോയ സമയത്താണ് മോഷണം നടന്നത്. 

വീട്ടുകാർ പുറത്തുപോയി, തിരികെ എത്തിയപ്പോൾ വീട്ടിന്റെ മുകളിലെ ഭാഗത്തെ വാതിൽ തുറന്ന നിലയിൽ കണ്ടെത്തുകയായിരുന്നു. മുകളിലെ നില വഴിയാണ് കള്ളൻ അകത്ത് കടന്നത്. നാദാപുരം പൊലീസ് സ്ഥലത്തെത്തി പരിശോധന നടത്തി.

ഫോറൻസിക് സംഘവും വിരലടയാള വിദഗ്ധരുമെത്തി തെളിവെടുപ്പ് നടത്തി. സമീപ പ്രദേശങ്ങളിലെ സി സി ടി വി ദൃശ്യങ്ങൾ ശേഖരിച്ചു വരുകയാണ്. പൊലീസ് പ്രതികളെ കണ്ടെത്താൻ അന്വേഷണം ശക്തമാക്കിയിട്ടുണ്ട്. ശനിയാഴ്ച വൈകിട്ട് ആറു മണിക്കാണ് കുടുംബം വീട് പൂട്ടി, ക്ഷേത്രത്തിൽ പോയത്. രാത്രി ഒൻപത് മണിയോടെ തിരിച്ചെത്തിയപ്പോഴാണ് മോഷണം നടന്ന വിവരം അറിയുന്നത്.

### Related Links & Sources
- [Original Story Source](https://truevisionnews.com/news/343605/massive-theft-after-breaking-into-a-house-in-iringannoor-nadapuram)